„კორონავირუსთან დაკავშირებით შექმნილი მდგომარეობიდან გამომდინარე,  საჯარო შეხვედრებს არ გავმართავთ, შესაბამისად, მივმართავთ საზოგადოებრივ მაუწყებელს,  ასევე, აჭარის საზოგადოებრივ მაუწყებელს, რათა დაგვეთმოს საეთერო დრო, რომ ამ ფორმატში გაიმართოს შეხვედრა და დიალოგი საზოგადოებასთან",- ამის შესახებ ჟურნალისტებს პარლამენტის წევრმა, ირაკლი კობახიძემ განუცხადა.

მისი თქმით, კანონპროექტის შინაარსს კომისია საზოგადოებას ტელეეთერის საშუალებით გააცნობს, გაიმართება დისკუსია და კითხვები გაეცემა მოქალაქეთა პასუხებს. ირაკლი კობახიძის ინფორმაციით, საზოგადოებრივ მაუწყებელსა და აჭარის საზოგადოებრივ მაუწყებელთან კონსულტაციები სავარაუდოდ, მომავალი კვირის განმავლობაში გაიმართება.

„ჩვენ გვექნება კონსულტაციები საზოგადოებრივ მაუწყებელთან, აჭარის საზოგადოებრივ მაუწყებელთან, რათა შევჯერდეთ თარიღებთან დაკავშირებით. სავარაუდოდ, მომავალი კვირის განმავლობაში გაიმართება ორივე ასეთი შეხვედრა",- განაცხადა ირაკლი კობახიძემ.

მან ასევე განმარტა, რომ დადგენილია კონსტიტუციური ვადა, რომლის მიხედვითაც, კანონპროექტის პარლამენტში განხილვის დაწყება მხოლოდ ერთი თვის გასვლის შემდეგ არის შესაძლებელი.  „ 17 აპრილამდე კანონპროექტს საპარლამენტო ფორმატში ვერ დავუბრუნდებით და ყველაზე ადრე, 28 აპრილს არის შესაძლებელი კანონპროექტის კენჭისყრა, გამომდინარე, არსებული კონსტიტუციური და რეგლამენტით გათვალისწინებული ვადებიდან. ანუ, 28 აპრილი არის უახლოესი თარიღი, როდესაც შესაძლებელია პირველი მოსმენით კენჭი ეყაროს კონსტიტუციურ კანონპროექტს",- განაცხადა ირაკლი კობახიძემ.​

ავტორი: ექსპრესნიუსი,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება