ახალ კორონავირუსთან დაკავშირებით, ჯანდაცვის მსოფლიო ორგანიზაცია ამ ეტაპზე, ვაჭრობისა და მგზავრობის შეჩერებასთან დაკავშირებით, რაიმე სახის რეკომენდაციებს არ გასცემს.

ამის შესახებ საქართველოში ჯანდაცვის მსოფლიო ორგანიზაციის ოფისის წარმომადგნელმა, სილვიო დომენტემ განაცხადა.

მისი თქმით, ქვეყნებს შეზღუდვების დაწესება საკუთარი გადაწყვეტილებით შეუძლია, თუმცა ამ ეტაპზე ეს სავალდებულო არ არის.

„ჩვენ დღეს შევიკრიბეთ იმისთვის, რომ განვიხილოთ უსაფრთხოების ზომები ლაბორატორიებში და ვისაუბროთ ჯანდაცვის მზაობის შესახებ. რაც შეეხება ფრენების აკრძალვას და სხვა შეზღუდვებს, - ჯანდაცვის მსოფლიო ორგანიზაცია, ამ ეტაპზე, არ გასცემს რაიმე რეკომენდაციას ვაჭრობისა და მგზავრობის შეჩერებასთან დაკავშირებით, თუმცა, ეს არ გამორიცხავს, რომ წევრმა ქვეყნებმა თავად შეიძლება გაატარონ დამატებითი ზომები. ქვეყნებს აქვთ ვალდებულება, რომ ამ ზომების შესახებ აცნობონ მსოფლიო ჯანდაცვის ორგანიზაციას და ყველა საკითხი დაასაბუთონ. თუ საქართველო მსგავს გადაწყვეტილებას მიიღებს, იმედია, ეს იქნება მოკლევადიანი“, - განაცხადა სილვიო დომენტემ.

ცნობისთვის, სილვიო დომენტემ სასტუმრო „თბილისი მარიოტში“ მიმდინარე შეხვედრაში მიიღო მონაწილეობა, სადაც საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო და ჯანდაცვის მსოფლიო ორგანიზაციის საქართველოს ოფისი, საქართველოში აკრედიტირებულ ელჩებს საქართველოში კორონავირუსისა და მის ირგვლივ შექმნილი მდგომარეობის შესახებ ინფორმაციას გააცნეს.  

ავტორი: ექსპრესნიუსი,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.