„დღევანდელი ევროკავშირი, აღარ არის და აღარ იქნება ისეთივე ევროკავშირი, რომელიც სულ რამდენიმე წლის წინ იყო“, - ამის შესახებ პრეზიდენტმა, სალომე ზურაბიშვილმა პარლამენტის პლენარულ სხდომაზე ყოველწლიური ანგარიშის წარდგენისას განაცხადა.

ზურაბიშვილმა საერთაშორისო ურთიერთობებზე ისაუბრა და აღნიშნა, რომ გუშინდელი მტრები, დღეს მოლაპარაკებებს იწყებენ, რისი მიზეზიც საკუთარი ქვეყნის ინტერესებია.

„ჩვენ თვალწინ ახალი საერთაშორისო ურთიერთობები ყალიბდა, ამერიკას, ევროკავშირსა თუ რუსეთს, ახლო აღმოსავლეთსა თუ შორეულ აზიაში. გუშინდელი მტრები დღეს მოლაპარაკებებს იწყებენ, ან პირიქით. ამ ურთიერთობების განმსაზღვრელია სრული პრაგმატიზმი, ანუ საკუთარი ქვეყნის და მხოლოდ საკუთარი ქვეყნის ინტერესები, რასაც დღეს აღარცერთი იდეოლოგია არ ნიღბავს.

მსოფლიოს მძლავრი ცვლილებები ჩვენზეც ისახება, დღევანდელი ევროკავშირი, ბრექსითისა და გერთიანებული სამეფოს გასვლის შემდეგ, მიგრაციების ფონზე აღარ არის და აღარ იქნება ისეთივე ევროკავშირი, რომელიც სულ რამდენიმე წლის წინ იყო, როცა საქართველო შეუდგა პარტნიორობისა და ასოცირების გზას. ევროკავშირი საკუთარი კრიზისის ფონზე ჯერ ვერ ყალიბდება, თუ რა ფორმა მისცეს მომავალ ურთიერთობებს თავის მეზობელ ქვეყნებთან“, - განაცხადა სალომე ზურაბიშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ