2020-03-04 13:26:48, 1152 ნახვა
პოლიტიკა
ოკუპირებული აფხაზეთის ე.წ ხელისუფლება ასლან ბჟანიას შესაძლო მოწამვლის გამოძიებას რუსეთისგან ითხოვს
ოკუპირებული აფხაზეთის ე.წ ხელისუფლებამ რუსეთის გენერალურ პროკურატურას თხოვნით მიმართა, აღიძრას საქმე ასლან ბჟანიას შესაძლო მოწამვლასთან დაკავშირებით.
აღნიშნულის შესახებ, რუსული მედია „რამბლერი“ იუწყება.
ცოტა ხნის წინ, ოკუპირებული აფხაზეთის ე.წ პრეზიდენტობის ერთ-ერთი კანდიდატი, ასლან ბჟანია მოწამვლის ნიშნებით საავადმყოფოში გადაიყვანეს. ოკუპირებული აფხაზეთის ე.წ პრემიერ-მინისტრმა აღნიშნა, რომ საავადმყოფოში, ინსულტზე ჰქონდათ ეჭვი.
მოგვიანებით, ე.წ საპრეზიდენტო კანდიდატის შტაბში განაცხადეს, რომ ასლან ბჟანია 22 მარტს დაგეგმილ ე.წ არჩევნებში მონაწილეობას ვერ შეძლებს და შტაბი არჩევნების გადადების საკითხს დააყენებს.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
