საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ გიორგი წოწკოლაურმა და დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა ბესარიონ სიმონიშვილმა წყალტუბოს მუნიციპალიტეტის სოფელ ხომულში დევნილი ოჯახისთვის გადაცემული სახლი მოინახულეს. 
ალექსანდრე ვეკუას 6-სულიან ოჯახს სააგენტომ „სოფლად სახლის“ პროექტის ფარგლებში, ორსართულიანი სახლი და საკარმიდამო მიწის ნაკვეთი შეუსყიდა. როგორც ალექსანდრე ვეკუა ამბობს, ბინას სოფლად ცხოვრება ამჯობინეს, რადგან სახლს მიწის ნაკვეთიც აქვს, რაც მათ საოჯახო მეურნეობის განვითარებისა და დამატებითი შემოსავლის წყაროს გაჩენის შესაძლებლობას მისცემს.
„სოფლად სახლის“ პროექტის ფარგლებში, დევნილი ოჯახი თავად არჩევს სახლს საქართველოს ნებისმიერ რეგიონში. კრიტერიუმების დაკმაყოფილების შემთხვევაში კი, სააგენტო აღნიშნულ სახლს შეისყიდის. თანხის რაოდენობა ოჯახის სულადობიდან გამომდინარე განისაზღვრება.
2019 წელს, სააგენტომ სოფლად სახლი 1 050 დევნილი ოჯახისთვის შეისყიდა. პროექტი წარმატებულად მუშაობს და 2020 წელს,  კიდევ 1 000-ზე მეტი სახლის შესყიდვა იგეგმება.  

ავტორი: ექსპრესნიუსი,

სოციალური ქსელები

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა