საქართველოს საგარეო საქმეთა მინისტრმა დავით ზალკალიანმა მიუნხენის კონფერენციის ფარგლებში შეხვედრა გამართა ხორვატიის საგარეო და ევროპის საქმეთა მინისტრთან გინრად გრლიჩ რადმანთან.

მინისტრებმა განსაკუთრებით აღნიშნეს საქართველოს და ხორვატიის წარმატებული თანამშრომლობა ევროპული  და ევრო-ატლანტიკური ინტეგრაციის საკითხებზე. დავით ზალკალიანმა მადლობა გადაუხადა კოლეგას საქართველოს პრაქტიკული დახმარებისთვის ევროკავშირის სტანდარტებთან ქართული ინსტიტუციების დაახლოებისა და ევროკავშირის პროექტებში მონაწილეობისთვის. 
განსაკუთრებული ყურადღება გამახვილდა ევროკავშირის საბჭოში ხორვატიის მომავალ თავმჯდომარეობაზე. ხორვატიამ დაადასტურა, რომ მისი თავმჯდომარეობის პერიოდში აღმოსავლეთ პარტნიორობა  პრიორიტეტი იქნება და მათ შორის,  საქართველო, რომელიც გახლავთ ამ ფორმატის წარმატებული მაგალითი. ხორვატმა კოლეგამ დავით ზალკალიანს გააცნო ის ძირითადი ღონისძიებები, რომელსაც ხორვატია თავმჯდომარეობის პერიოდში ჩაატარებს.
გირდან გრილჩ რადმანმა მაღალი შეფასება მისცა საქართველოს ნატოში გაწევრიანების დღის წესრიგს და ქვეყნის წარმატებას ამ გზაზე. ხაზი გაესვა საქართველოს, როგორც ნატოს სანდო და მნიშვნელოვან პარტნიორს რეგიონში უსაფრთხოების უზრუნველყოფის კუთხით.

მინისტრებმა მიმოიხილეს ორმხრივი ურთიერთობის განვითარების სხვადასხვა მიმართულებები,  აღნიშნეს  სექტორული თანამშრომლობის გაღრმავების მნიშვნელობა.
ხორვატიამ ინტერესი გამოხატა გააღრმავოს ურთიერთობები ეკონომიკის და ვაჭრობის სფეროში, რის საფუძველსაც იძლევა საქართველოს წარმატებული რეფორმები ეკონომიკის მიმართულებით და ქვეყნის საინვესტიციო და სატრანზიტო პოტენციალი. რეგიონში უსაფრთხოების გარემოზე საუბრისას, შეშფოთება გამოითქვა საქართველოს ოკუპირებულ რეგიონებში შექმნილი მდგომარეობის გამო, მინისტრმა კოლეგას გააცნო საქართველოს სამშვიდობო პოლიტიკა და ამ მხრივ მიმდინარე საქმიანობა და მადლობა გადაუხადა ხორვატიას სუვერენიტეტისა და ტერიტორიული მთლიანობის მხარდაჭერისთვის.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა