2020-01-30 19:02:21, 1777 ნახვა

---

ამირან გამყრელიძე - ინფექციურ საავადმყოფოში შეყვანილ ჩინეთის მოქალაქე ორ მცირეწლოვანს „ა“ ტიპის გრიპის ვირუსი დაუდგინდა

დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს, რომ თბილისის ინფექციურ საავადმყოფოში გუდაურიდან გადაყვანილ ჩინეთის მოქალაქე ორ მცირეწლოვანს, „ა“ ტიპის გრიპის ვირუსი დაუდგინდა.

მისივე თქმით, ამ ეტაპზე, კორონავირუსზე საუბარი არ არის.

„გადაუდებელი სამედიცინო დახმარების მანქანებით ისინი თავის ოჯახთან ერთად გადმოყვანილი იქნენ ინფექციურ საავადმყოფოში. როგორც გვაქვს ინფორმაცია ინფექციური საავადმყოფოდან, იქ ჩატარდა სწრაფი ლაბორატორიული გამოკვლევა, ე.წ. სწრაფი ტესტი და ბავშვებთან დადგინდა „ა“ტიპის გრიპის ვირუსი. ხაზს ვუვსვამ, „ა“ ტიპის გრიპის ვირუსი. ამიტომ, არანაირ კორონავირუსზე იქ საუბარი არ არის. თუმცა, რა თქმა უნდა, აღებულია ასევე ნიმუშები ე.წ. მოლეკულური კვლევისთვის, რომელიც მიმდინარეობს ლუგარის ცენტრში და მას სჭირდება რამდენიმე საათი“ ,- განაცხადა ამირან გამყრელიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი