„დესტაბილიზაციის, სტაბილურობის შერყევის თავიდან ასარიდებლად საუკეთესო ვერსია შერეული სისტემაა, მთავარია არ დავუშვათ ხმების გაყალბება“,  - ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებს განუცხადა.

როგორც ვოლსკიმ აღნიშნა, საარჩევნო სისტემასთან დაკავშირებით პოლიტიკურმა პარტიებმა საერთო ენა უნდა მონახონ.

„ვფიქრობ, ჩვენი პოზიცია სწორია, რაც გულისხმობს ქვეყნის დესტაბილიზაციის, სტაბილურობის შერყევის თავიდან არიდებას. საუკეთესო ვერსია ამისთვის შერეული სისტემაა, რომელიც ყველასთვის ერთი უნდა იყოს. მთავარია, არ დავუშვათ გაყალბება, ის, რასაც ჩვენ არაერთხელ მოვესწარით დამოუკიდებელი საქართველოს ისტორიის მანძილზე. ვფიქრობ, ეს არ განმეორდება. სისტემა როგორი იქნება, რასაკვირველია, ეს მნიშვნელოვანია და ვფიქრობ, რომ მაინც კარგი იქნება, პოლიტიკურმა პარტიებმა საერთო ენა მოძებნონ ამ საკითხთან დაკავშირებით, რაზეც სენატორიც საუბრობს“ ,- განაცხადა გია ვოლსკიმ.

ავტორი: ექსპრესნიუსი,

სოციალური ქსელები

სამართალდამცავი ორგანოების კოორდინაციის საკითხებში სახელმწიფო მინისტრის თანამდებობის შემოღებას I მოსმენით მხარი დაუჭირეს

ოცნების პარლამენტმა სუს-ის უფროსად გელა გელაძე დაამტკიცა

იუკნევიჩიენე: ანდჟეი პოჩობუტის გათავისუფლება შესანიშნავი ამბავია, მაგრამ მზია ამაღლობელი ოცნების პატიმრობაში რჩება

„წინ და წინ - ფინანსობანა" – 2026 წლის პირველი წარმოდგენა ხულოში გაიმართა