ეროვნულ-დემოკრატიული ინსტიტუტის (NDI) კვლევის თანახმად, გამოკითხულთა უმრავლესობა მიიჩნევს, რომ საქართველოში დემოკრატია არ არის.

კერძოდ, კითხვაზე - „თქვენი აზრით, ამჟამად არის ქვეყანაში დემოკრატია?“ - გამოკითხულთა 59%-მა განაცხადა, რომ „არ არის“, 33%-მა აღნიშნა, რომ „არის“, ხოლო 8%-მა - „არ იცის“.

რაც შეეხება კითხვას - „რას ნიშნავს თქვენთვის დემოკრატია“ - გამოკითხულთა 54%-მა განაცხადა, რომ მისთვის დემოკრატია „სიტყვის, მედიის თავისუფლება და განსხვავებული აზრის მოსმენაა; 33%-სთვის - თანასწორობა კანონის წინაშე და სამართლიანობის დაცვა; 33%-სთვის - ადამიანის უფლებათა დაცვა; 16%-სთვის - შესაძლებლობა, აკეთო ის, რაც გინდა; 15%-სთვის - სამუშაო ადგილები; 12%-სთვის - თავისუფალი და სამართლიანი არჩევნები; 5%-სთვის - მთავრობის მიერ პრობლემატურ საკითხებზე მისი აზრის გათვალისწინება; 3%-სთვის - არასტაბილურობის; 2%-სთვის - სხვადასხვა პროდუქტების შეძენის შესაძლებლობა; 4%-სთვის - სხვა; 7%-მა კი, განაცხადა, რომ „არ იცის“.

კვლევა, 2019 წლის 19 ნოემბერისა და 13 დეკემბრის პერიოდში, საქართველოს მასშტაბით 2,180 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი არის +/- 1.9 პროცენტი.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.

ავტორი: ექსპრესნიუსი,

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა