„ეს არის სასიცოცხლო არხის გადაკეტვა, მოსახლების მძევლად აყვანა, სრულიად დაუშვებელი და მიუღებელი“, - ასე ეხმაურება სახელმწიფო მინისტრი შერიგებისა და სამოქალაქო თანასწორობის საკითხებში, ქეთევან ციხელაშვილი, სოფელ ჩორჩანას მიმდებარედ დაწყებულ ბორდერიზაციის საკითხს.

მინისტრის თქმით, გადაადგილების გასახსნელად ყველა საერთაშორისო ფორმატით,  მაქსიმალური ძალების მობილიზება ხდება.

„ეს არის სასიცოცხლო არხის გადაკეტვა, მოსახლების მძევლად აყვანა, სრულიად დაუშვებელი და მიუღებელი. ყველა საერთაშორისო ფორმატის გამოყენებით ვცდილობთ, რომ მოხდეს მაქსიმალურად ძალისხმევის მობილიზება და შესაბამისად ზეწოლა საოკუპაციო რეჟიმზე, რომ გადაადგილება გაიხსნას, პირველ რიგში მოსახლეობის ინტერესებიდან გამომდინარე“, - განაცხადა ქეთევან ციხელაშვილმა.

შეგახსენებთ, სოფელ ჩორჩანას მიმდებარედ, საოკუპაციო ძალებმა უკანონო ინსტალაციები აღმართეს. როგორც სახელმწიფო უსაფრთხოების სამსახურში განაცხადეს, მიმდინარეობს კონსულტაციები  საერთაშორისო პარტნიორებთან, რათა უმოკლეს ვადებში გაიმართოს ინციდენტების პრევენციისა და მათზე რეაგირების მექანიზმის მორიგი შეხვედრა, სადაც ცენტრალური ხელისუფლება კვლავ მკაცრად მოითხოვს სოფლების ჩორჩანასა და წაღვლს შორის არსებული ტყის მასივიდან უკანონოდ აღმართული ინსტალაციების დემონტაჟს.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა