„ეს პროგრამა არ არის პრეპარატების გასაღების პროგრამა, ეს არის ჯანმრთელობის უზრუნველყოფის პროგრამა C ჰეპატიტისგან განკურნებისთვის“, - ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ განაცხადა.

მისი შეფასებით, ოპონენტების კრიტიკა, რომ C ჰეპატიტის სამკურნალოდ გამოყოფილ ნახევარი მილიარდი ლარის ღირებულების პრეპარატებს ვადა მთავრობის არასწორი მენეჯმენტის შედეგად გაუვიდა უსაფუძვლოა.

„ის, რომ თითქოს პროგრამა ჩავარდა, ეს აბსოლუტურად უსაფუძვლოა. ისინი აპელირებენ 2018 წლის მონაცემზე, როდესაც 2000 პაციენტით ნაკლებმა მიიღო პროგრამაში მონაწილეობა, ვიდრე ამის საშუალებას იძლეოდა პრეპარატების ოდენობა. ამიტომ, პრეპარატების შესაბამისი ოდენობა დარჩა მოხმარების გარეშე. ეს პროგრამა არ არის პრეპარატების გასაღების პროგრამა, ეს არის ჯანმრთელობის უზრუნველყოფის პროგრამა C ჰეპატიტისგან განკურნების. ამიტომ, პირველ რიგში, უნდა მოხდეს გამოვლენა. მე ვფიქრობ, აქ უნდა იყოს აქტიურობა არა მხოლოდ უწყების და დარგის სპეციალისტების, არამედ პაციენტებისაც.  ამ შემთხვევაში იქნება მაღალი მოხმარება პრეპარატის და რაც შეიძლება სწრაფად მოხდება ქვეყანაში ელიმინაცია“,- განაცხადა დიმიტრი ხუნდაძემ.

შეგახსენებთ, რომ სახელმწიფო აუდიტის მიერ გამოქვეყნებული დასკვნის მიხედვით, C ჰეპატიტის სამკურნალო ნახევარ მილიარდ ლარზე მეტი ღირებულების მედიკამენტს ვადა გაუვიდა. აუდიტის დასკვნამ ჯანდაცვის უწყებაში C ჰეპატიტის პროგრამის ხარვეზები გამოავლინა, რომელიც 2018 წლის 31 დეკემბრის მდგომარეობით აღრიცხულ მედიკამენტებს ეხება.

ავტორი: ექსპრესნიუსი,

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა