„იმ ფაქტით, რომ ვაჟა გაფრინდაშვილი გათავისუფლდა არ უნდა დავიმშვიდოთ თავი, რადგან ეს არ ნიშნავს, რომ ოკუპაციის პროცესი რაიმე განსხვავებულ პოზიციაში გადავიდა“, - ამის შესახებ საქართველოს პარლამენრის თავმჯდომარემ, არჩილ თალაკვაძემ განაცხადა.

მისი თქმით, ვიდრე რუსეთის ფედერაციის ჯარისკაცები საქართველოს მიწაზე უკანონოდ რჩებიან, კონკრეტულ საკითხებზე მიღებული გადაწყვეტილებები ამ მოცემულობას ვერ შეცვლის.

„იმ ფაქტით,რომ ვაჟა გაფრინდაშვილი გათავისუფლდა არ უნდა დავიმშვიდოთ თავი. ეს არ ნიშნავს, რომ ოკუპაციის პროცესი რაიმე განსხვავებულ პოზიციაში გადავიდა. სანამ რუსეთის ფედერაციის ჯარისკაცები რჩებიან საქართველოს მიწაზე უკანონოდ და სანამ ოკუპაცია გრძელდება, რა თქმა უნდა, კონკრეტულ საკითხებზე მიღებული გადაწყვეტილებები ამ მოცემულობას ვერ შეცვლის. ოკუპაცია გრძელდება. გადასასვლელი პუნქტების დაკეტვა თუ მათი გაღება, ადამიანების უკანონოდ დაპატიმრება კვლავ რჩება პრობლემად და ეს არის რეალურად, ოკუპაციის საერთო სურათი. ორივე რეგიონში ჩვენ ვხედავთ ადამიანის უფლებების და ჰუმანიტარული სიტუაციის გაუარესებას“, - განაცხადა არჩილ თალაკვაძემ.

შეგახსენებთ, ოკუპანტების მიერ უკანონოდ დაკავებული ექიმი ვაჟა გაფრინდაშვილი პატიმრობიდან დღეს გათავისუფლდა. საოკუპაციო რეჟიმმა ვაჟა გაფრინდაშვილი 9 ნოემბერს დააკავა. ოკუპანტები ექიმს ე.წ საზღვრის უკანონო კვეთას ედავებოდნენ, თუმცა გაფრინდაშვილი წარდგენილ ბრალს არ აღიარებდა. 20 დეკემბერს ცხინვალის საოკუპაციო რეჟიმმა ვაჟა გაფრინდაშვილს 1 წლითა და 9 თვით პატიმრობა შეუფარდა.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა