28 დეკემბერს 11:00 სთ-ზე საქართველოს ეკონომიკისა და მდგრადი განვითარების მინისტრი ნათია თურნავა მცხეთის მუნიციპალიტეტის სოფელ ქსოვრისში შპს „ჯორჯიან ბილდინგ გროუფის" ინერტული მასალების გადამამუშავებელი საწარმოს ოფიციალურ გახსნის. კომპანია, სასარგებლო წიაღისეულის მოპოვების ლიცენზიის საფუძველზე, მცხეთის მუნიციპალიტეტში ქვიშა-ხრეშს მოიპოვებს, რომლებსაც საკუთარ საწარმოში გადაამუშავებს. 

კომპანიაზე 2018 და 2019 წლებში გაიცა სასარგებლო წიაღისეულის მოპოვების 3 ლიცენზია, მცხეთის მუნიციპალიტეტში, სოფ. ქსოვრისის და სოფ. თეზის მიმდებარე ტერიტორიაზე, მდ. ქსნის ქვიშა-ხრეშის მოპოვებაზე; სამივე ლიცენზიის საერთო ფართობია - 172 990 კვ.მ; ქვიშა-ხრეშის ჯამური მოცულობა  - 518 970 მ3, ლიცენზიების გასაყიდი ფასი ჯამში  შეადგენს 582 726,3 ლარს. ლიცენზიები მოქმედია 2023 წლის ბოლომდე.

2019 წელს შპს „ჯორჯიან ბილდინგ გროუფ"-მა საქართველოში ჩამოიტანა ევროპის სტანდარტის შესაბამისი დანადგარები, რომლის საშუალებითაც კომპანიას სურს, რესურსის გადამუშავება მოხდეს ადგილზე. ამ მიზნით საწარმოში დაასაქმა 30 ადამიანი და მომდევნო წლებში აღნიშნულმა კომპანიამ შესაძლოა გაზარდოს დასაქმებული ადამიანების რაოდენობა. კომპანია განახორციელა 4 000 000 ლარის ინვესტიცია. საწარმოს მშენებლობა დასრულდა 2019 წლის სექტემბერ/ოქტომბერში.

ეკონომიკისა და მდგრადი განვითარების მინისტრი ასევე გახსნის ხაშურის მუნიციპალიტეტში, დაბა სურამთან შპს „კავკაზ ცემენტ ჯორჯიას" საწარმოს, რომლის მშნებლობაშიც 3,5 მლნ ლარის ინვესტიცია განხორციელდა.

კომპანიაზე 2018 წელს გაიცა სასარგებლო წიაღისეულის მოპოვების ლიცენზია, ხაშურის მუნიციპალიტეტში, დაბა სურამის მიმდებარე ტერიტორიაზე, „სურამის" კვარცმინდვრისშპატიანი ქვიშის მოპოვებაზე 20 წლის ვადით, წიაღისეულის ჯამური მოცულობა - 254 100 მ3, სალიცენზიო ფართობი - მიწის მინაკუთვნი ფართობით 16 020 კვ.მ, სამთო მინაკუთვნი ფართობით 36 300 კვ.მ; საერთო ფართობი - 52 320 კვ.მ, ლიცენზიის გასაყიდი ფასი შეადგენს 107 477,5 ლარს. ლიცენზია მოქმედია 2038 წლამდე.

2019 წელს შპს „კავკაზ ცემენტ ჯორჯია"-მ საქართველოში ჩამოიტანა ევროპის სტანდარტის შესაბამისი დანადგარები, რომლის საშუალებითაც კომპანიას სურს, რესურსის გადამუშავება მოხდეს ადგილზე. ამ მიზნით საწარმოში დაასაქმა 35 ადგილობრივი მოქალაქე და მომდევნო წლებში აღნიშნულმა კომპანიამ შესაძლოა გაზარდოს დასაქმებული ადამიანების რაოდენობა. კომპანიამ განახორციელა 3 500 000 ლარის ინვესტიცია. საწარმოო დანადგარების მშენებლობა/ინსტალაცია დასრულდა 2019 წლის ნოემბერში.

ასევე დაგეგმილია ბორჯომში წიაღის მომპოვებელ და გადამამუშავებელ საწარმოებთან შეხვედრა.

ავტორი: NS (სტატია დაფინანსებულია),

სოციალური ქსელები

რუსეთის ფედერაციამ სუმის ოლქი დაბომბა: 5 დაღუპული, 11 დაჭრილი

სიბიგა - შევთანხმდით ორმხრივ ინტერესზე უკრაინა-საქართველოს ურთიერთობების ნორმალიზების კუთხით

CNN-ის დამფუძნებელი ტედ ტერნერი 87 წლის ასაკში გარდაიცვალა

რუსეთის ქალაქ რჟევში სახლებიდან, რომელსაც დრონები მოხვდა 350 ადამიანი ევაკუირებული იქნა