საქართველოს პრეზიდენტმა დღეს პარლამენტს საქართველოს კონსტიტუციის  მე-100 მუხლის პირველი პუნქტის შესაბამისად, დასამტკიცებლად „საგანგებო სიტუაციაზე რეაგირების მიზნით საქართველოს სამხედრო ძალების  გამოყენების შესახებ“ საქართველოს პრეზიდენტის - საქართველოს სამხედრო ძალების უმაღლესი მთავარსარდლის ბრძანება გადაუგზავნა.

ამის შესახებ „ექსპრესნიუსს“ პრეზიდენტის ადმინისტრაციის პრესსამსახურიდან აცნობეს.

გიორგი მარგველაშვილის ბრძანებით გურჯაანის მუნიციპალიტეტში 2015 წლის 22-23 ივლისს სტიქიური უბედურებით გამოწვეულ საგანგებო სიტუაციაზე რეაგირების მიზნით, საქართველოს კონსტიტუციის მე-100 მუხლის პირველი პუნქტისა და „სამოქალაქო უსაფრთხოების შესახებ“ საქართველოს კანონის მე-15 მუხლის მე-13 პუნქტის თანახმად, გამოყენებული იქნება საქართველოს სამხედრო ძალების ქვედანაყოფი - საქართველოს შეიარაღებული ძალების გენერალური შტაბის ეროვნული გვარდიის მე-10 კადრირებული ბრიგადის ასი სამხედრო მოსამსახურე და ხუთი ერთეული საავტომობილო ტექნიკა.

საქართველოს პრეზიდენტის აღნიშნული ბრძანება ძალაშია ხელმოწერისთანავე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველო "ღია მმართველობის პარტნიორობიდან" (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა

აქტივისტი ალბი კორძაია ახალ მიმართვას ავრცელებს სადაც სავარაუდო გაუპატიურებაზე საუბრობს

სუს: უცხო ქვეყნის სპეცსამსახურის ჯაშუშობის ბრალდებით დაკავებულია საქართველოს 1 მოქალაქე, მხილებულია 2