„ერეკლე კუხიანიძე არის „გავგრილოვი 2“, რომელიც თავს ესხმის რუსეთის ციხეში დაკავებულ ვაჟა ექიმს და ამაზე საზოგადოებას აქვს მწვავე რეაქცია“, - ამის შესახებ „ევროპული საქართველოს ერთ-ერთმა ლიდერმა,  ელენე ხოშტარიამ საკრებულოში ჟურნალისტებთან საუბრისას განაცხადა.

მისი შეფასებით, ის რაც დღეს საკრებულოს შენობაში მოხდა, „ქართული ოცნების“ მხრიდან  ნიღბის მოხსნა იყო.

„დღეს ჩვენ რაც ვნახეთ საკრებულოში ეს იყო კიდევ ერთხელ ნიღაბის მოხდა „ქართული ოცნებისგან“. ჩვენ ვხედავთ, რომ მთელი სახელმწიფო ინსტიტუტები, პოლიციელები, ზონდერ უსაფრთხოების სამსახურის უფროსები დადგნენ კუხიანიძის სამსახურში. იცავენ ადამიანს, რომელმაც შეურაცხყო ჩვენი საზოგადოების ღირსება. კუხიანიძე არის „გავგრილოვი 2“, რომელიც თავს ესხმის რუსეთის ციხეში დაკავებულ ვაჟა ექიმს და ამაზე საზოგადოებას აქვს მწვავე რეაქცია. ჩვენ ორი დღის განმავლობაში ვითხოვთ კუხიანიძის გაგდებას საკრებულოდან. შეუძლებელია, რომ კუხიანიძე ჩვენი მოქალაქეების ფულით მუშაობდეს აქ, საკრებულოში“,- განაცხადა ხოშტარიამ.

ცნობისთვის, თბილისის საკრებულოში დილიდან ხმაურია და დაპირისპირებაა. თავდაპირველად ვითარება მას შემდეგ დაიძაბა, რაც მოძრაობა „შეცვალეს“ აქტივისტებმა საკრებულოს დეპუტატის „ქართული ოცნებიდან“ ერეკლე კუხიანიძის კაბინეტი დაიკავეს და კარავი გაშალეს. ოთახიდან მათ გამოყვანას უსაფრთხოების სამსახური ცდილობდა, თუმცა მას შემდეგ, რაც აქტივისტები მოთხოვნას არ დაემორჩილნენ, საპატრულო პოლიციამ 4 პირი დააკავა და მათ შენობა ძალის გამოყენებით დაატოვებინეს. ამის შემდეგ „ნაციონალური მორაობის“ წევრი ხატია დეკანოიძე და „ევროპული საქართველოს“ წევრი ელენე ხოშტარია საკრებულოს თავმჯდომარეს დაუპირისპირდნენ და განმარტება მოითხოვეს, თუ რატომ არ უშვებს მმართველი გუნდი საკრებულოდან დეპუტატ კუხიანიძეს. ვითარება საკრებულოში ამ დრომდე დაძაბულია. მმართველი გუნდისა და ოპოოზიციის წარმომადგენლები პერიოდულად ერთმანეთს უპირისპირდებიან. შენობაში მობილიზებულია პოლიცია. 

შეგახსენებთ, მმართველი გუნდის წარმომადგენელმა, საკრებულოს წევრმა ერეკლე კუხიანიძემ რამდენიმე დღის წინ საოკუპაციო რეჟიმის მიერ დაკავებული ექიმი ვაჯა გაფრინდაშვილი და მისი ოჯახი გააკრიტიკა. კუხიანიძემ Facebook-ის საკუთარ გვერდზე გამოქვეყნებულ სტატუსში გარინდაშვილის ოჯახს პროვოკატორები უწოდა და შეურაცხყოფა მიაყენა.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა