2019-12-17 14:04:23, 1804 ნახვა
პოლიტიკა
მოძრაობა „20/30-იანელების“ წევრებმა ივანიშვილის ბიზნესცენტრთან ლობიანები მიიტანეს
სამოქალაქო მოძრაობა „20/30-იანელების“ წევრებმა ბიძინა ივანიშვილის ბიზნესცენტრთან აქცია-პერფორმანსი გამართეს.
ბარბარობის დღესასწაულთან დაკავშირებით, სამოქალაქო მოძრაობის წევრებმა ივანიშვილს ლობიანები და ჩიჩილაკები მიუტანეს.
აქციის ერთ-ერთი ორგანიზატორის თქმით, „20/30-იანელებმა“ „ქართული ოცნების“ თავმჯდომარეს სურვილები გადასცეს, რომლებიც ბიზნესცენტრთან მიტანილ ჩიჩილაკზე დაკიდეს.
„დავკიდეთ სურვილები ჩიჩილაკზე, რომელსაც დავტოვებთ აქ. ვუსურვეთ ივანიშვილს, რომ ქვეყნის სადავეები შემდეგი წლების განმავლობაში მის ხელში იყოს, ჰყავდეს ნაკლები მოღალატე ახლო წრეში და ა.შ“, - განაცხადა აქციის ერთ-ერთმა ორგანიზატორმა.
ავტორი: ექსპრესნიუსი,
epn.ge (@expressnews.ge)
