„გახარია აგრძელებს თავის პოლიტიკას და ყველგან უნდა საკუთარი კადრების დანერგვა, რასაც უკვე ვხედავთ ასევე სხვა სფეროში“,- ამის შესახებ ფრაქცია „ნაციონალური მოძრაობის“ თავმჯდომარე, რომან გოცირიძემ განაცხადა.

დეპუტატი,  ლევან სურგულაძის მიერ საპენსიო სააგენტოს დირექტორის პოსტის დატოვებას, სავარაუდო ზეწოლას უკავშირებს.

"საპენსიო სააგენტოს ხელმძღვანელი არ იყო გახარიას კადრი, ის დანიშნული იყო ბახტაძის მიერ. ის ტოვებდა წესიერი ადამიანის შთაბეჭდილებას და არ არის გამორიცხული, რომ საკუთარი ნებით წავიდა, ვინაიდან არ ეთანხმებოდა იმ სავარაუდო ზეწოლას, რაც ხდებოდა, თუნდაც იგივე თანხის განთავსების სახით, ვინაიდან საპენსიო ფონდის მთელი რესურსები განთავსებულია კომერციულ ბანკებში და არც ვიცით, რომელ კომერციულ ბანკში რა რაოდენობითაა, რა პროცენტით და საიდუმლოებებით არის ეს მოცული. არ არის გამორიცხული, რომ გახარია აგრძელებს თავის პოლიტიკას და ყველგან უნდა საკუთარი კადრების დანერგვა, რასაც უკვე ვხედავთ ასევე სხვა სფეროში," - განაცხადა რომან გოცირიძემ.

შეგახსენებთ, რომ დღეს, საპენსიო სააგენტოს დირექტორმა, ლევან სურგულაძემ თანამდებობა დატოვა, რომლის თაობაზეც სამეთვალყურეო საბჭოს განცხადებით მიმართა.

ავტორი: ექსპრესნიუსი,

სოციალური ქსელები

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა

PASHA Bank-ის IPO აზერბაიჯანში - თიბისი კაპიტალი ტრანზაქციის ექსკლუზიური ფინანსური მრჩეველი იყო

სტრასბურგის სასამართლომ ე.წ. FARA-ს და გრანტების კანონზე კომუნიკაციის ეტაპი დაიწყო