მოძრაობა „გაბედეს“ წევრები ადამიანის უფლებათა კომიტეტის თავმჯდომარის, სოფო კილაძის ბიუროსთან ჩაფხუტების მივიდნენ და 41 ვერცხლის მონეტა მიიტანეს.

როგორც აქციის მონაწილეების ამბობენ, ისინი სოფო კილაძეს ბოლო დროს მომხდარ დაპირისპირებებზე რეაგირებას ითხოვენ.

„გადავწყვიტეთ ჩაფხუტებით მოვსულიყავით, რადგან ჩვენი უსაფრთხოება დაცული არ არის ამ აქციებზე. მიუხედავად იმისა, რომ ჩვენ აბსოლუტურად მშვიდობიან ფორმებში გამოვხატავთ ჩვენს პროტესტს, ძალიან კარგად იცით, როგორ მოგვაყენეს „ქართული ოცნების“ ზონდერებმა ფიზიკური და სიტყვიერი შეურაცხყოფა ბოლო დღეების განმავლობაში. შესაბამისად, ჩვენ გვინდა ქალბატონ სოფიო კილაძესთან შევიდეთ ბიუროში და დავუსვათ შეკითხვები. ქალბატონო სოფო, თქვენ ბრძანდებით პარლამენტში ადამიანის უფლებათა კომიტეტის დაცვის თავმჯდომარე, რატომ ერთი განცხადება არ გააკეთეთ განვლილი დღეების განმავლობაში იმის შესახებ, რომ ასე უმოწყალოდ გვიპირისპირდებოდნენ ახალგაზრდებს და მითუმეტეს თქვენი გუნდი ხაზგასმით აღნიშნავს, რომ თითქოს ჩვენ ვართ აგრესიული, დესტრუქციული ძალა, რომელიც სიმართლეს არ შეესაბამება და ეს დღესაც კარგად ჩანს. ჩვენ ჩაფხუტებით მოვედით, რადგან წინა შემთხვევებში პოლიცია არ ან ვერ უზრუნველყოფდა ჩვენს უსაფრთხოებას, ჩვენ თავად დავიცავთ საკუთარ თავს ამ ფორმით. ასევე გვაქვს 41 ვერცხლის მონეტა. იმ შემთხვევაში, თუ სოფო კილაძე ისევ ჯიუტად გააგრძელებს თავის პოზიციას და უარს იტყვის ახალგაზრდების უფლებების დაცვაზე, ჩვენ სიმბოლურად დავუტოვებთ 41 ვერცხლის მონეტას იმის ნიშნად, რომ მას და სხვა დეპუტატებს 41 ვერცხლად აქვთ ქვეყანა გაყიდული“, - განაცხადა აქციის ერთ-ერთმა მონაწილემ.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.