„საპატრიარქო  ჯერ დაელოდება სამართალდამცველი ორგანოების დასკვნას“, - ამის შესახებ  საპატრიარქოს პრეს-მდივანმა მამა ანდრია ჯაღმაიძემ „კურიერთან“ საუბრისას განაცხადა.

მისი თქმით, საპატრიარქოს არ აქვს იმის საშუალება, რომ მომხდარზე წინასწარი გამოძიება აწარმოოს.

„მე ვიცოდი ზუგდიდის შემთხვევაზე, სახელი და გვარიც კი არ ვიცოდი. ვიცოდი, რომ სასულიერო პირის მამა იყო დაკავებული. გავრცელდა არასწორი ინფორმაცია თითქოს სასულიერო პირი დააკავეს, რომელიც შემდეგ შინაგან საქმეთა სამინისტრომ უარყო. სინამდვილე იყო ის, რომ არა სასულიერო პირი, არამედ მისი მამა იყო დაკავებული, რომელმაც ამანათი მიიღო, სადაც აღმოჩნდა ნარკოტიკული ნივთიერება. საპატრიარქო  ჯერ დაელოდება სამართალდამცველი ორგანოების დასკვნას. ხომ შეიძლება, ტყუილად ედავებოდნენ, ან დამნაშავე იყოს? ჩვენ არ გვაქვს საშუალება, წინასწარი გამოძიება ვაწარმოოთ“,  - განაცხადა მამა ანდრია ჯაღმაიძემ.

შეგახსენებთ, რომ ზუგდიდში, ათონის მთაზე მოღვაწე ბერი, კიდევ ერთ პირთან ერთად, დიდი ოდენობით ნარკოტიკების შეძენა-შენახვის ბრალდებით დააკავეს.

შინაგან საქმეთა სამინისტროს ინფორმაციით, გამოძიება 260-ე მუხლით მიმდინარეობს, რაც ნარკოტიკული საშუალებების უკანონო შეძენა-შენახვას ითვალისწინებს.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა