საქართველოს მოქალაქე ზელიმხან ხანგოშვილის მკვლელობის საქმესთან დაკავშირებით, გერმანია ორ რუს დიპლომატს ქვეყნიდან აძევებს -ამის შესახებ, ინფორმაციას "დოიჩე ველე" ავრცელებს.
გერმანიის საგარეო უწყების ცნობით, გერმანიაში რუსეთის სელჩოს ორი წარმომადგენელი პერსონა ნონგრადატ გამოცხადა. 
გერმანიის საგარეო უწყების ცნობით, რუსეთის საელჩომ, არ ითანამშრომლა გამოძიებასთან და საჭირო ინფორმაცია არ მიაწოდა ქვეყნის პროკურატურას. 
ფედერალური პროკურატურა გაააგრძელებს აგვისტოში ბერლინში მოკლული ეთნიკური ჩეჩნის საქმის გამოძიებას, რადგან გაჩნდა ეჭვი, რომ რუსეთის დაზვერვაა მკვლელობასთან დაკავშირებული.

40 წლის ხანგოშვილი რუსეთის წინააღმდეგ იბრძოლა ჩეჩნეთის ომში. ის ბერლინის პარკში, „კლაინერ ტირგარტენში“ ზურგიდან ტყვიის გასროლით მოკლა ველოსიპედისტმა 23 აგვისტოს.
მალევე ცხელ კვალზე დააკავეს ეჭვმიტანილი - რუსეთის მოქალაქე.

გერმანიის „შპიგელი“ იტყობინება, რომ ფედერალური პროკურატურის ოფისი ეჭვობს, რომ მკვლელობა რუსეთის სახელმწიფო ორგანოებმა შეუკვეთეს. გამოცემის თანახმად, ფედერალური პროკურატურა ემზადება მომავალ დღეებში საქმეში ჩასართავად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ე.წ. სააფთიაქო ნარკომანიის საქმეზე ჯანდაცვის მინისტრის ყოფილი მოადგილე დააკავეს

NGO-ები: წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს

საია-ში განმარტავენ, რას ეხება მზია ამაღლობელის საქმეზე სტრასბურგში წარდგენილი მე-4 სარჩელი

ყალბი რეკლამით მოქალაქეებს ბინების მშენებლობა-რემონტს სთავაზობდნენ, მიისაკუთრეს 242 000 ლარი