„მტკიცება, თითქოს ე.წ. გერმანული მოდელი კონსტიტუციას შეესაბამება და კანონმდებლობის დონეზე რაიმე ცვლილება შესაძლებელია, არის ოპოზიციის მცდელობა, რომ თავის მხარდამჭერებთან სახე შეინარჩუნონ“, - ამის შესახებ პარლამენტის თავმჯდომარე არჩილ თალაკვაძემ ჟურნალისტებს განუცხადა.

როგორც მან აღნიშნა, ოპოზიციასთან შეხვედრაზე, რომელსაც დიპლომატიური კორპუსიც ესწრებოდა, ნათლად გამოჩნდა, რომ ოპონენტების მიერ წარმოდგენილი საარჩევნო მოდელი კონსტიტუციასთან თავსებადი არ არის.

„იმის მტკიცება, რომ საარჩევნო კანონმდებლობის და კოდექსის დონეზე აქ რაიმე ცვლილებების გაკეთება არის შესაძლებელი, ჩემი აზრით, მას შემდეგ, რაც შეხვედრაზე ყველაფერი აშკარად გამოჩნდა, არის ოპოზიციის ამ ნაწილის მცდელობა, რომ თავის მხარდამჭერებთან, ვინც გამოიყვანეს და ქუჩაში დააყენეს, იმ ადამიანებთან გარკვეულწლილად სახე შეინარჩუნონ. მე ვთხოვ მოქალაქეებს, ოპოზიციის წარმომადგენლებს ვისაც ინტერესი აქვს ამ საკითხზე, საუბარი გავაგრძელოთ“, - განაცხადა პარლამენტის თავმჯდომარემ.

ცნობისთვის, გაერთიანებული ოპოზიცია „გერმანულ მოდელს“ პარლამენტში სავარაუდოდ, დღეს დაარეგისტრირებს.

ავტორი: ექსპრესნიუსი,

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა