2019-12-03 18:30:40, 2107 ნახვა
რეგიონი
ზუგდიდში, „ნაციონალური მოძრაობის“ ოფისს კვერცხები ესროლეს - ადგილზე დაძაბული ვითარებაა
„მკვლელებო“, „ჩვენ არ დავუშვებთ“, „7 ნოემბერი გვახსოვს“ - ზუგდიდში, „ერთიანი ნაციონალური მოძრაობის“ ოფისთან დაძაბული ვითარებაა.
ადგილზე „ქართული ოცნების“ მხარდამჭერები არიან შეკრებილი. ისინი „ნაციონალური მოძრაობის“ აკრძალვას ითხოვენ და აცხადებენ, რომ მათ ხელისუფლებაში დაბრუნებას არ დაუშვებენ.
ამასთან, აქციის მონაწილეებმა პარტიის ოფისს კვერცხები და სხვადასხვა საგნები ესროლეს. გარდა ამისა, ოფისში მყოფ ენმ-ის წარმომადგენლებს სიტყვიერ შეურაცხყოფას აყენებენ.
ადგილზე სამართალდამცველები არიან მობილიზებული, თუმცა ჯერჯერობით ვითარების განმუხტვას ხერ ახერხებენ.
ავტორი: ექსპრესნიუსი,
epn.ge (@expressnews.ge)
