„თუ ისინი არიან კაცები და ქალები, მოვიდნენ და თვითონ თქვან რაც უნდათ, მაგრამ ვერ მოდიან, იმიტომ რომ იციან რა საკადრის პასუხს მიიღებენ ჩემგან“,-ამის შესახებ პარლამენტის ყოფილმა თავმჯდომარემ, ირაკლი კობახიძემ ჟურნალისტებს სასტუმრო „ქორთიარდ მარიოტში“ განუცხადა, სადაც რეგიონალურ საპარლამენტო კონფერენციაზე დასასწრებად მისულს ხმაურითა და შეძახილებით დახვდნენ.

მისი თქმით, ეს არის „ნაცმოძრაობის“ სახე, რომლებმაც არ იციან "ვის რა დააჭერინონ ხელში".

„აქციასთან დაკავშირებით მოკლედ გეტყვით, იყო რამდენიმე ბავშვი შეკრებილი. რა თქმა უნდა, ამასთან დაკავშირებით ვერაფერს ვერ ვეტყვით მათ, საყვედურის თქმაც არ შეგვიძლია. საყვედური ეთქმის "ნაცმოძრაობას", რომლებიც ბავშვებს იფარებენ. თუ ისინი არიან კაცები და ქალები, მოვიდნენ და თვითონ თქვან რაც უნდათ რომ თქვან. იმიტომ ვერ მოდიან, რომ იციან რა პასუხსაც მიიღებენ, ისინი ჩემგან მიიღებენ მძიმე და საკადრის პასუხს, ამიტომ ვერ ბედავენ ამის გაკეთებას და იფარებენ ბავშვებს, რაც არ არის კაცისთვის და ქალისთვის საკადრისი საქციელი, ეს არის მათი სახე, ისიც უნდა იცოდნენ გოგოს რა უნდა დააჭერინონ და ბიჭს რა დააჭერინონ, ტრანსფარანტი მაქვს მხედველობაში. აქედან გამომდინარე ეს არის ნაცმოძრაობის სახე, რომლებმაც არ იციან ვის რა დააჭერინოს ხელში“,- განაცხადა კობახიძემ.

შეგახსენებთ, რომ „მონა“, „პროპორციული დაიდოს“ , „თავისუფლება ირაკლი კობახიძეს“ , - ამ შეძახილებით შეხვდნენ სასტუმრო „ქორთიარდ მარიოტთან“ მისულ პარლამენტის. ყოფილ თავმჯდომარეს, ირაკლი კობახიძეს მოძრაობა „სირცხვილიას“ და „შეცვალეს“ წევრები.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა