წამყვანი ამერიკული კინოსტუდიები, მათ შორის "დისნეი", "ნეტფლიქსი", "პარამაუნტ პიქჩერზი", "სონი პიქჩერზი", "უნივერსალ სითი სტუდიოს" და "ვორნერ ბროს", საქართველოში არსებულ ინტერნეტ საიტებზე არალეგალური ფილმების ჩვენების გამო შეშფოთებას გამოთქვამენ.

ინფორმაციას საქართველოს ეროვნული კინოცენტრი ავრცელებს.

მათივე ცნობით, კინოსტუდიების მიერ კომუნიკაციების კომისიის, საქ.პატენტისა და ინტერეტ მეკობრების წინააღმდეგ შექმნილი ასოციაციაციისთვის გაგზავნილ წერილში აღნიშნულია, რომ ქართული ვებ-გვერდები წლების განმავლობაში, უკანონოდ მოიპოვებენ და ასაჯაროვებენ სხვადასხვა სახის კონტენს, რაც სერიოზულ პრობლემას წარმოადგენს საქართველოსთვის.

ამასთან დაკავშირებით, დღეს, 29 ნოემბერს, 13:00 საათზე, სასტუმროში "რედისონ ბლუ ივერია" ასოციაცია ინტერნეტ მეკობრეობის წინააღმდეგ გამართავს პრესკონფერენციას, რომელსაც გაუძღვებიან ზურა ბეჟაშვილი (ასოციაცია ინტერნეტ მეკობრეობის წინააღმდეგ), კოტე ჩლაიძე (ეროვნული კინოცენტრი), დავით ვაშაძე (კინოკლასტერი) გიგა კობალაძე (საავტორო უფლებათა ასოციაცია), ანდრო დგებუაძე (ტელეკომპანია "იმედი") და გიორგი გაჩეჩილაძე (საქართველოს საზოგადოებრივი მაუწყებელი).

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.