ქობულეთის მერიასთან ფიზიკური დაპირისპირების შედეგად პოლიციამ ერთი პირი დააკავა - ამის შესახებ „ექსპრესნიუსს“ შინაგან საქმეთა სამინისტროში განუცხადეს.

კერძოდ, ფრაქცია „ნაციონალური მოძრაობის“ 4 წევრი თბილისში დაგეგმილ აქციაზე მიემგზავრებოდა. ადგილზე მისულებს კი მუნიციპალიტეტის თანამშრომლები დახვდნენ და სიტყვიერი და ფიზიკური შეურაცხყოფა მიაყენეს.

„9 საათზე მისულებს მერიის შენობის წინ დაგვხდა, მერის, მირიან ქათამაძის მიერ ორგანიზებული ტიტუშკები და პოლიციის მრავალრიცხოვანი ეკიპაჟი.თავდაპირველად დაიწყეს სიტყვიერი შეურაცხყოფის მოყენება, შემდეგ კი ფიზიკურ აგრესიაზე გადმოვიდნენ. ჩვენ გავაგრძელეთ გზა დედაქალაქისკენ, უფრო მნიშვნელოვან საქმეზე და მირიან ქათამაძე თავისი  „ტიტუშკებით“ დავტოვეთ ქობულეთში“, - განაცხადა „კურიერთან“  „ნაციონალური მოძრაობის“  წევრმა, ბონდო თედორაძემ.

შინაგან საქმეთა სამინისტროს ინფორმაციით,  ბრალდებული პირი ადმინისტრაციულ სამართალდარღვევათა კოდექსის 166-ე მუხლით დააკავეს, რაც წვრილმან ხულიგნობას გულისხმობს.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა