ბიზნესომბუდსმენის თანამდებობას მიხეილ დაუშვილი დაიკავებს - ამის შესახებ პრემიერ-მინისტრმა გიორგი გახარიამ მთავრობის სხდომის დაწყებამდე განაცხადა.

„მიხეილ დაუშვილი დღეიდან დაინიშნება ბიზნესომბუდსმენად. ჩვენ ყოველთვის ვამბობდით, რომ ძლიერი ქართული ბიზნესი არის ჩვენი ყველაზე ძლიერი ეკონომიკური გამოწვევების ყველაზე მნიშვნელოვანი მომენტი, რომელიც უნდა დაგვეხმაროს შევქმნათ ახალი სამუშაო ადგილები და ამით დავამარცხოთ სოციალური სიდუხჭირე. ბიზნესის მხარდაჭერა იქნება ბატონი მიხეილის ძირითადი ამოცანა და დარწმუნებული ვარ, რომ ის ღირსეულად გაართმევს თავს ამას. ყველა ის პრობლემური საკითხი, რომელიც იქნება მიხეილ დაუშვილთან მიტანილი რამდენიმე წუთის განმავლობაში იქნება პრემიერის კაბინეტში მოხვედრილი“, - აღნიშნა პრემიერმა.

მიხეილ დაუშვილი მიმდინარე წლის 3 აგვისტოდან დღემდე, შსს-ს საინფორმაციო-ანალიტიკური დეპარტამენტის დირექტორი იყო.

შეგახსენებთ, რომ ბიზნესომუდსმენის თანამდებობა მას შემდეგ გახდა ვაკანტური, რაც ირაკლი ლექვინაძემ პოსტი საკუთარი განცხადების საფუძველზე დატოვა.

ავტორი: ექსპრესნიუსი,

სოციალური ქსელები

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან