„ხელისუფლებას უნდა ესმოდეს, რომ პროპორციულ სისტემაზე არგადასვლა მკვეთრად შეამცირებს პოლიტიკურ სივრცეს და პროცესებს მთლიანად გადაიყვანს რადიკალიზაციის, ქუჩის კალაპოტში“, - ამის შესახებ ჟურნალისტებს „ევროპული საქართველოს“ ერთ-ერთმა ლიდერმა დავით ბაქრაძემ განუცხადა.

მან იმედი გამოთქვა, რომ მმართველი გუნდი დაპირებას შეასრულებს.

„მინდა ხაზი გავუსვა, რომ ეს არაა "ევროპული საქართველოს" განზრახვა და ჩვენი ამოცანაა "ქართული ოცნების" არჩევნების გზით დამარცხება, მაგრამ გადაყწვეტილება და ბურთი ახლა მმართველ გუნდზეა. თუ ისინი გადაუხვევენ მიცემულ სიტყვას, მაშინ ოპოზიციას და საზოგადოებას სხვა გზა არ დარჩება თუ არა ქუჩაში გამოსვლა. იმედია ხელისუფლებას ეყოფა გონიერება, რომ დღეს მიიღოს შესაბამისი გადაწყვეტილება. პასუხისმგებლობა მთლიანად ხელისუფლებაზეა. აზრთა სხვადასხვაობა შეიძლება არსებობდეს ყველა საკითხზე, მაგრამ პოლიტიკური გუნდის პასუხისმგებლობა განისაზღვრება იმით, რომ ასეთი ფუნდამენტური დაპირებები  შესრულედეს. ამიტომ „ქართულმა ოცნებამ“ გუშინ კიდევ ერთხელ გამომაჟღავნა ერთი მხრივ პოლიტიკური უმწიფრობა და მეორე, ის რომ მათთვის პირადი ინტერესები ბევრად მნიშვნელოვანია ვიდრე ქვეყნის სტაბილურობა“, - განაცხადა დავით ბაქრაძემ.

ავტორი: ექსპრესნიუსი,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება