2019-11-12 13:49:28, 1136 ნახვა

---

„ჩააგდეთ ეს ოცკაციანი სია და დაიჯერებს თქვენი ამომრჩეველი, რომ თქვენ გულწრფელად ემიჯდნებით 9-წლიან მმართველობას“ - ეკა ბესელია

"ჩააგდეთ ეს ოცკაციანი სია და მერე დაიჯერებს თქვენი ამომრჩეველი, რომ გულწრფელად ემიჯნებით 9-წლიან მმართველობას" - ამის შესახებ განცხადება უმრავლესობის ყოფილმა წევრმა ეკა ბესელიამ პარლამენტის პლენარულ სხდომაზე გააკეთა, სადაც ის ყოფილ თანაგუნდელებს აკრიტიკებდა.

როგორც ბესელიამ განაცხადა, მოსმაართლეთა სიაში მყოფი პირების უმეტესობა ძალადობრივი სისტემის შემქმნელია.

„ძალიან საეჭვოდ იშიფრება ის ცუდი განზრახვა, რომელიც ამ კვირის მოვლენებს უკავშირდება. ხელისუფლებაში როცა ხარ, ასე არ უნდა ყვიროდე და ასეთი აგრესიული გამოხტომები არ უნდა გქონდეს. ეს შეიძლება ჰქონდეს ოპოზიციაში მყოფ ადამიანებს. ასე იქცეოდნენ ის ადამიანები, რომელებიც მეშვიდე და მერვე წელს, როცა ხელისუფლებას ასრულებდნენ, ყვირილზეც გადავიდნენ და ძალადობაზეც. ამიტომ ჩემო კოლეგებო, თუ ძალიან გაწუხებთ ის 9-წლიანი პერიოდი, თუ ძალიან გაწუხებთ, რომ ის არ დაბრუნდეს, თუ ასეთი მართლები და გულწრფელები ხართ ხალხთან და ეკლესიასთან, ორი რამე გააკეთეთ: იმ ორკაციან სიაში, ოციდან 18 არის წარსული ძალადობრივი სისტემის შემქმნელი, გამაძლიერებელი და დამკანონებელი. ჩააგდეთ ეს ოცკაციანი სია და მერე დაიჯერებს თქვენი ამომრჩეველი, რომ თქვენ გულწრფელად ემიჯდნებით 9-წლიან მმართველობას, ძალადობას და უსამართლობას. რაც შეეხება კონსტიტუციურ ცვლილებებს, ამ კვირაში უნდა იყოს კენჭისყრა. ბატონო არჩილ, მე იმედი მაქვს, პირადად თვენ გაუკეთებთ მობილიზებას, რომ გაცხადებული დაპირება შესრულდეს. არ მინდა ჩემი ცუდი ინტუიცია გამართლდეს. რაღაც ავად იმზირება ასეთი გამოხტომები. ორი რამე გააკეთეთ, პროპორციულ საარჩევნო სისტემას კენჭი უყარეთ. ოპოზიციას ნუ დააბრალებთ, ის ყოველგვარი პირობის გარეშე უჭერს მხარს და მეორე, არ მისცეთ ხმა იმ ოცკაციან სიას. მერე გამოჩნდება, ვინ როგორი მაგარი ბიჭები და გოგონები ხართ, კუნთებზე რომ იყურებით“, - განაცხადა ეკა ბესელიამ. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი