„არავის ეგონოს, რომ საქართველო გამონაკლისია, სადაც საზოგადოების აზრთა სვადასხვაობა ამ ფორმით არის გამოვლენილი - ტრაგედიას ნუ შევქმნით“, - ასე გამოეხმაურა პარლამენტის ვიცე-სპიკერი გია ვოლსკი კინოთეატრ „ამირანთან“ განვითარებულ მოვლენებს.

როგორც მან აღნიშნა, საწინააღმდეგო აზრის დაძლევა, რომელიც საზოგადოების ერთ ჯგუფს გააჩნია, სწავლით და განათლებით არის შესაძლებელი.

„ჩემი პირადი ემოციური დამოკიდებულება სხვა არის, მაგრამ ვალდებულება არის თემა, რომელსაც აუცილებლად უნდა ვასრულებდე ჩემი ქვეყნის წინაშე. არავის ეგონოს რომ საქართველო გამონაკლისია, სადაც საზოგადოების აზრთა სვადასხვაობა ამ ფორმით არის გამოვლენილი. ასე რომ ტრაგედიას ნუ შევქმნით, მაგრამ ყველას უნდა ახსოვდეს, რომ არსებობს კანონი და ამ კანონის დაცვით ვფასდებით ჩვენ მომავალ თაობაში. ჩვენი მოქმედებები მომავალი თაობისთვის უნდა იყოს სამაგალითო, სწავლით, განათლებით არის შესაძლებელი საწინააღმდეგო აზრის დაძლევა, რომელიც გააჩნია საზოგადოების ერთ ჯგუფს. წინააღმდეგ შემთხვევაში ქვეყანას დაადგება ცუდი დღე“, - განაცხადა ვოლსკიმ.

დეპუტატი „რესპუბლიკური პარტიის“ წევრ დავით ბერძენიშვილზე თავდასხმასაც გამოეხმაურა და აღნიშნა, რომ ბერძენიშვილმა ადგილზე სიტუაცია გაამწვავა.

ცალმხრივად არ შეიძლება განხილვა. დავით ბერძენიშვილმა თქვა, რომ ლაჩრები არიან და თუ ვინმე ვაჟკაცია შემებრძოლოს და შემეკრინოსო, მისგანაც ეს საუბარი შეიძლება ვიღაცამ ჩათვალოს შეურაცყოფად. ყველა, ვისაც პოლიტიკაზე აქვს პრეტენზია, უნა ეცადოს კი არ გაამწვავოს, პირიქით შეარბილოს არსებული ვითარება“, - განაცხადა გია ვოლსკიმ.

ავტორი: ექსპრესნიუსი,

სოციალური ქსელები

ევროკავშირმა უკრაინისთვის 90 მილიარდი ევროს ოდენობის სესხის პირობები გაამკაცრა

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა