პალრმენტის პლენარული სხდომა ხმაურით დაიწყო. პოლიტიკური განცხადებების დროს ერთმანეთს სიტყვიერად ფრაქცია "ქართული ოცნების" თავმჯდომარე მამუკა მდინარაძე და "პატრიოტთა ალიანსის" დეპუტატი ირმა ინაშვილი დაუპირისპირდნენ. 

დაპირისპირების მიზეზი 2020 წლის საპარლამენტო არჩევნები და მმართველი გუნდის მიერ გაკეთებული განცხადებები გახდა. კერძოდ, „პატრიოტთა ალიანსი“ "ქართული ოცნების" პროგნოზით გაღიზიანდა, რომელიც შუალედური არჩევნების შედეგებზე დაყრდნობით გაკეთდა.

ინაშვილის განცხადებით, „ქართულ ოცნება“  არჩევნებზე არა 60%-ს, არამედ 12-15%-ს აიღებს. 

"არჩევნებამდე ერთი წლით ადრე, თქვენ მიზანმიმართილად გამოდიხართ და ლაპარაკობთ, მაშინ როდესაც, სინამდვილეში 12-15% გაქვთ. ეტყობა არ დადიხართ არც სოფლებში, არც რაიონებში, რომ იცოდეთ რეალურად რა მხარდაჭერა გაქვთ. ახლა, გამოდიხართ და აცხადებთ, რომ თურმე 60% გიჭერთ მხარს. ემოციურად აცხადებთ, ხოლმე, რომ კოალიციას არავისთან არ შექმნით და წითელი ხაზები გაქვთ. ჩვენც გვაქვს თქვენთან წითელი ხაზები გავლებული. რეალობას უნდა დაელოდოთ 2020 წლის არჩევნებისთვის და ხალხი ვის მისცემთ ხმას. მერე სხვანაირად აჭიკჭიკდებით, კოალიცია კი არა, სანატრებელი გაგიხდებათ მოკავშირეები. განიავდით, ნუ აბრახუნებთ ამ პროცენტებს", - მიმართა ირმა ინაშვილმა საპარლამენტო უმრავლესობას. 

ინაშვილს საპასუხოდ მამუკა მდინარაძემ მმართველი გუნდის მიერ არჩევნებზე მმიღებული შედეგების სტატისტიკა გააცნო. 

"2016 წლის 8 ოქტომბერი - "ქართული ოცნება" 48.8%, 2017 წლის 31 ოქტომბერი - 55.81%, გუშინწინ 84% მივიღეთ. ახლა როგორც გინდათ ისე ვილაპარაკოთ, თუ გინდა, რომ მოვისყიდეთ ან დავაშინეთ. ამაზე ხალხი არ საუბრობს, საუბრობთ თქვენ და "ნაციონალური მოძრაობა", - უპასუხა მამუკა მდინარაძემ ინაშვილს. 

ამასთან, "პატრიოტთა ალიანსის" დეპუტატმა ადა მარშანიამ მამუკა მდინარაძეს დემაგოგი უწოდა. 

"60%-ს კი არა ბატონო მამუკა, 160%-ს მიიღებთ. და იცით ეს როგორ უნდა გააკეთოთ, გირჩევთ პირველ ხუთეულში, პარტიული სიის, ჩაწერეთ მურუსიძე, მიქაუტაძე, მეთოფიშვილი, კიდევ "მ"-ზე ვინ გყავთ, ხო თქვენ, მდინარაძე", - განაცხადა ადა მარშანიამ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით