2019-10-28 00:58:17, 1596 ნახვა
საზოგადოება
მეუფე იაკობმა ეკა კვესიტაძეს უთხრა რომ გახარია პირადი კადრების გასაჯაროებით ემუქრებოდა
გადაცემა "მთავარი აქცენტების" წამყვანის, ეკა კვესიტაძის თქმით, მას მეუფე იაკობი ხშირად ურეკავდა და ეკლესიაში არსებულ სიტუაციაზე ესაუბრებოდა.
"როგორც ჩანს, გახარიასა და იაკობის ურთიერთობები ძალიან დიდი ხნის წინ დაიძაბა. კიდევ ერთხელ გეტყვით, რომ ის ადანაშაულებს გახარიას, რომ გახარია აშანტაჟებდა შს მინისტრობის პერიოდში მას და რამდენიმე მღვდელმთავარს პირადი სახის ჩანაწერების გამოქვეყნებით, შეგიძლიათ, წარმოიდგინოთ, როგორ შეამკო ჩემთან საუბარში გახარია, რომ მას აუცილებლად დაამთავრებდა. სხვათა შორის, ის მუდმივად აპელირებდა იმაზე, რომ შიოც და გახარიაც არის რუსეთის კაცი", — თქვა კვესიტაძემ.
ჟურნალისტმა აღნიშნა, რომ მას გუშინ მეუფე იაკობმა თავად დაურეკა და შეპირდა, რომ გადაცემაში მიიღებდა მონაწილეობას.
ავტორი: ექსპრესნიუსი,
epn.ge (@expressnews.ge)
