თურქეთი თანახმაა, ჩრდილოეთ სირიაში ცეცხლი დროებით შეწყვიტოს და ქურთების ძალებს უკან დახევის საშუალება მისცეს, - ამის შესახებ BBC ამერიკის შეერთებული შტატების ვიცე-პრეზიდენტზე მაიკ პენსიზე დაყრდნობით იუწყება. 

მედია საშუალების ინფორმაციით, ოფიციალურმა ანკარამ შესაბამისი განცხადება, თურქეთის პრეზიდენტ რეჯეპ ტაიფ ერდოღანისა და მაიკ პენსის შეხვედრის შემდეგ მიიღო. 

მედიის ცნობით, სამხედრო ოპერაცია 5 დღით შეჩერდება, რა დროსაც ამერიკა თურქეთის მიერ გამოცხადებული ე.წ. უსაფრთხოების ზონიდან ქურთების ძალების გაყვანას ხელს შეუწყობს.   

აღსანიშნავია, რომ ბოლო 8 დღის განმავლობაში სირიაში 72 მშვიდობიანი მოქალაქე დაიღუპა, ხოლო 300 000-ზე მეტს სახლის დატოვება მოუწია. 

შეთანხმების მიღწევას თეთრი სახლის ხელმძღვანელიც გამოეხმაურა. ტრამპმა Twitter-ის საკუთარ გვერდზე თურქ კოლეგას გადაწყვეტილებისთვის მადლობა გადაუხადა და აღნიშნა, რომ "ეს უდიდესი დღეა ცივილიზაციის ისტორიაში და ამით უამრავი ადამიანი გადარჩება". 

მანამდე ტრამპმა ერდოღანს გამაფრთხილებელი წერილი გაუგზავნა, სადაც სამხედრო მოქმედებების შეწყვეტისკენ მოუწოდებდა. თუმცა, მოგვიანებით BBC-მ გაავრცელა ინფორმაცია, რომ ერდოღანმა აღნიშნული წერილი ნაგავში მოისროლა. მრავალდღიანი დააძაბული ვითარების შემდეგ, ანკარაში ოფიციალური ვიზით აშშ-ის ვიცე-პრეზიდენტი მაიკ პენსი და სახელმწიფო მდივანი მაიკ პომპეო ჩავიდნენ. 

შეგახსენებთ, თურქეთმა სირიაში ჯარი 9 ოქტომბერს შეიყვანა და ქურთების წინააღმდეგ სამხედრო მოქმედებები დაიწყო. აღნიშნული ფაქტი ევროკავშირმა დაგმო. ევროგაერთიანების წევრმა ქვეყნებმა თურქეთის პრეზიდენტს ჯარის გაყვანისკენ მოუწოდეს. პარალელურად ამერიკამ საკუთარი ჯარები ქვეყნიდან გაიყვანა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე