ნათია თურნავა „ანაკლიის კონსორციუმზე“: ჩვენი მოწოდება იქნება, მიხედონ საქმეს

2019-10-17 11:39:26, 1584 ნახვა

კომენტარი

ეკონომიკისა და მდგრადი განვითარების მინისტრი ნათია თურნავა," ანაკლიის განვიტარების კონსორციუმს" მოუწოდებს, რომ "საქმეს მიხედოს".

ამასთან, მინისტრის განცხადებით, მთავრობამ ყველა გააკეთა, რათა კონსორციუმს პროექტის განხორციელების შესაძლებლობა ჰქონდა. მანვე დასძინა, რომ ხელისუფლება პროექტის განხორციელებას მხარს უჭერს.

"საბოლოო ჯამში ანაკლიის პორტის პროექტის გადავადება 6-ჯერ მოხდა. მთავრობა მხარს უჭერს ამ პროექტის შესრულებას და ეს არაერთხელ დავამტკიცეთ. ჩვენი გადაწყვეტილება, რომ არ ვისარგებლოთ კონტრაქტით მონიჭებული უფლებით და არ დავიწყოთ კონტრაქტის მოშლის პროცედურა, მივცეთ კონსორციუმს დამატებითი ვადა, იმისათვის, რომ ვალდებულებები შეასრულოს, არის იმის დასტური, რომ ინვესტორს ყველა საშუალებას ვაძლევთ. ჩვენი მოწოდება იქნება, მიხედონ საქმეს", - განაცხადა ნათია თურნავამ მთავრობის სხდომის დასრულების შემდეგ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან