საქართველოს პრეზიდენტი სალომე ზურაბიშვილი თბილისის საკრებულოს დეპუტატის ილია ჯიშკარიანის მხრიდან თანაშემწეზე სავარაუდო სექსუალური ძალადობის საქმეს Twitter-ზე ეხმაურება. 

პრეზიდენტი აღნიშნავს, რომ ასეთი ტიპის საკითხის მიმართ შემწყნარებლობას ვერ გამოიჩენს.

აღსანიშნავია, რომ პრეზიდენტი ინგლისურენოვან პოსტს აქვეყნებს და მოძრაობა MeToo-ს [#მეც] იხსენებს, რომელსაც საფუძველი ამერიკაში ჩაეყარა. კერძოდ, 2017 წელს ჰოლივუდის ცნობილი პროდიუსერი ჰარვი ვაინშტაინი სექსუალურ შევიწროებაში, თავდასხმასა და გაუპატიურებაში დაადანაშაულეს. ამის შემდეგ კი, ყველა ადამიანი, ვინც კი ოდესმე სექსუალურად შეუვიწროებით, მოძრაობას შეუერთდა.

"#MeToo საქართველოშიც: თბილისის საკრებულოს წევრის მიმართ ასისტენტის სავარაუდო სექსუალური შევიწროების ბრალდებით გამოძიება მიმდინარეობს. მსგავსი რამის მიმართ შემწყნარებლობას ვერ გამოვიჩენთ", - წერს სალომე ზურაბიშვილი.

შეგახსენებთ, რომ საქმე ეხება საკრებულოს დეპუტატს "ქართული ოცნებიდან" ილია ჯიშკარიანს და მის თანაშემწეს თამთა თოდაძეს. თოდაძე დეპუტატს სექსუალ და ფიზიკურ ძალადობაში ადანაშაულებს. თავად დეპუტატი ბრალდებებს უარყოფს. მომხდართან დაკავშირებით გამოძიება 3 მუხლით მიმდინარეობს. ამ დროისთვის დეპუტატს ბრალი წარდგენილი არ აქვს. ის კლინიკაში იმყოფება. აღსანიშნავია, რომ გენერალურ პროკურატურასთან ქალთა მოძრაობამ აქცია გამართა. აქციის მონაწილეები დეპუტატ ჟიშკარიანის დაკავებას ითხოვდნენ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ჟორჟოლიანი: რეფორმატორთა საბჭო „ნაციონალური მოძრაობისგან“ დამოუკიდებლად იმუშავებს

ანკარის სამიტის შემდეგ NATO-ს წევრმა სახელმწიფოებმა დეკლარაცია მიიღეს

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა