ამერიკამ სირიიდან ჯარის გაყვანა დაიწყო

2019-10-07 14:10:00, 4798 ნახვა

მსოფლიო

ამერიკის შეერთებულმა შტატებმა სირიის ჩრდილო-აღმოსავლეთ ნაწილიდან ჯარის გაყვანა დაიწყო, - ამის შესახებ DW იუწყება.

მედია საშუალების ინფორმაციით, ჯარების გაყვანით ამერიკა თურქეთს დაგეგმილი სამხედრო ოპერაციისთვის გზას უთავისუფლებს.

ამერიკული ჯარის გაყვანის ფაქტი თურქეთის პრეზიდენტმა რეჯეპ ტაიფ ერდოღანმა დაადასტურა და აღნიშნა, რომ ანკარის სამხედრო ოპერაცია სირიაში შეიძლება ნებისმიერ მომენტში დაიწყოს.

"შეიძლება ნებისმიერ დროს მოვიდეთ, თანაც გაუფრთხილებლა", - დასძინა მან.

მედიის ცნობით, მანამდე ჯარების გაყვანაზე კომენტარი თეთრ სახლშიც გაკეთდა, სადაც განაცხადეს, რომ ოფიციალური ვაშინგტონი ანკარასთან თანამშრომლობას არ აპირებს და ოპერაციაში მონაწილეობას არ მიიღებს.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან