2019-10-04 16:20:46, 3540 ნახვა
პოლიტიკა
ჩუგოშვილი: ბევრი მოქალაქისთვის რუსეთთან ფრენების აღდგენა მნიშვნელოვანია
„საქართველოს ბევრი მოქალაქისთვის რუსეთთან ფრენების აღდგენა მნიშვნელოვანია“, - ამის შესახებ პარლამენტის ვიცე-სპიკერმა, თამარ ჩუგოშვილმა განაცხადა.
როგორც ჩუგოშვილმა აღნიშნა, ფრენების აღდგენა მოსახლეობის შემოსავლის წყაროსთან არის პირდაპირ დაკავშირებული და ეს მთავრობის ინტერესშიც შედის.
„ზუსტ დროს ვერ გეტყვით, ამაზე მეტი ინფორმაცია საგარეო საქმეთა მინისტრს ექნება. ჩვენი მხრიდან მცდელობა, რომ ჩვენს მოქალაქეებს მათ შორის, ფრენების შედეგად საქართველოში ჩამოსული ადამიანების მიერ დახარჯული თანხებიდან შემოსავლის სახით ჰქონდეთ შემოსავალი, მნიშვნელოვანია და ბევრი ადამიანის ცხოვრების ხარისხზე აისახება“, - აღნიშნა თამარ ჩუგოშვილმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
