მსახიობ ეკა ჩხეიძის მიმართ ქორწინების იძულების ბრალდებით სამართალდამცავებმა 56 წლის მამაკაცი დააკავეს.

დღეს თბილისის საქალაქო სასამართლოში ბრალდებულის სასამართლო პროცესი გაიმართა და მამაკაცს 3 000-ლარიანი გირაო შეეფარდა. 

როგორც სხდომაზე ბრალდების მხარე აცხადებდა, დაკავებული 2 წელია, რაც მსახიობ ეკა ჩხეიძეს იცნობს და მას დაჟინებით სთხოვდა ქორწინებას, წინააღმდეგ შემთხვევაში კი თვითმკვლელობით იმუქრებოდა. 

საქმის პროკურორის მტკიცებით, ბრალდებულმა 28 სექტემბერს, დღის საათებში, მსახიობის საცხოვრებელი სახლის სადარბაზოში პნევმატური იარაღიდან გაისროლა, რის შემდეგაც ჩხეიძემ 112-ში დარეკა.

გამოძიება სსკ-ის 150-ე პრიმა მუხლის პირველი ნაწილით მიმდინარეობს, რაც ქორწინების იძულებას გულისხმობს. მუხლი 2 წლამდე პატიმრობას ან საზოგადოებისთვის სასარგებლო შრომას ითვალისწინებს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს