შინაგან საქმეთა მინისტრის მოადგილე საქართველოში ევროკავშირის წევრი ქვეყნების პოლიციის ატაშეებსა და მიგრაციის საკითხებში მეკავშირე ოფიცრებს შეხვდა ​

შინაგან საქმეთა მინისტრის მოადგილე, ნინო ჯავახაძე, საქართველოში ევროკავშირის წევრი ქვეყნების პოლიციის ატაშეებსა და მიგრაციის საკითხებში მეკავშირე ოფიცრებს შეხვდა.

შეხვედრის მიზანი იყო ევროკავშირთან უვიზო მიმოსვლის საკითხების ერთობლივი განხილვა.

მინისტრის მოადგილემ ხაზი გაუსვა საქართველოს ევროპულ და ევროატლანტიკურ მისწრაფებებს და ევროკავშირის წევრ სახელმწიფოებს ჩვენი ქვეყნის ევროინტეგრაციის პროცესის მტკიცე მხარდაჭერისთვის მადლობა გადაუხადა. ​

ნინო ჯავახაძემ უვიზო რეჟიმთან დაკავშირებული გამოწვევების საპასუხოდ ჩატარებულ ღონისძიებებზეც ისაუბრა და შინაგან საქმეთა სამინისტროსა და ევროკავშირის წევრ სახელმწიფოებს შორის არსებული საპოლიციო თანამშრომლობის გაღრმავების მზაობა გამოთქვა.

ევროკავშირის წევრი ქვეყნების პოლიციის ატაშეებმა და მიგრაციის საკითხებში მეკავშირე ოფიცრებმა მინისტრის მოადგილეს შესაბამის ქვეყნებში საქართველოს მოქალაქეებთან დაკავშირებით არსებული გამოწვევების შესახებ ინფორმაცია მიაწოდეს. მათ ხაზი გაუსვეს საქართველოს შინაგან საქმეთა სამინისტროს მიერ განხორციელებული ეფექტიანი ღონისძიებების მნიშვნელობას უვიზო მიმოსვლის წარმატებით განხორციელების პროცესში.

(NS) 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს