საქართველოსთან თანამშრომლობას მომავალშიც გავაგრძელებთ სხვადასხვა პროექტში, განსაკუთრებით განახლებადი ენერგიის მიმართულებით, - ამის შესახებ EBRD-ის პირველმა ვიცე-პრეზიდენტმა იურგენ რიგტერინკმა ეკონომიკისა და მდგრადი განვითარების მინისტრთან ნათია თურნავასთან შეხვედრის შემდეგ განაცხადა.

ეკონომიკისა და მდგრადი განვითარების მინისტრთან შეხვედრისას მხარეებმა განიხილეს ევროპის რეკონსტრუქციისა და განვითარების ბანკის საქმიანობა საქართველოში და პრიორიტეტული მიმართულებები,  მათ შორის ყურადღება გამახვილდა ენერგეტიკის სექტორზე.

იურგენ რიგტერნიკის თქმით, საქართველო  თანამშრომლობის კუთხით, ერთ-ერთი ყველაზე მნიშვნელოვანი ქვეყანაა რეგიონში.

„EBRD-სა და საქართველოს შორის ძალიან მჭიდრო თანამშრომლობაა. რეალურად, ამ ეტაპზე, ჩვენს მიერ განხორციელებული ინვესტიცია დაახლოებით 235 პროექტში 3,4 მილიარდ ევროს აღწევს და ამით საქართველო  თანამშრომლობის კუთხით ერთ-ერთი ყველაზე მნიშვნელოვანი ქვეყანაა რეგიონში. ამასთან, ჩვენი ინვესტიციები ფარავს ფინანსურ ინდუსტრიას, წარმოებას, მთავრობის დახმარებას სხვადასხვა მიმართულებით და ა.შ", - აღნიშნა EBRD-ის პირველმა ვიცე-პრეზიდენტმა.

იურგენ რიგტერნიკის თქმით, ეკონომიკისა და მდგრადი განვითარების მინისტრთან ძალიან კარგი და კონსტრუქციული შეხვედრა შედგა, რომელზეც ძირითადად ენერგეტიკის სექტორი იქნა განხილული.

„ამ სფეროში ჩვენ პარტნიორები  ვართ და ეს პარტნიორობა მომავალშიც გაგრძელდება სხვადასხვა პროექტში, განსაკუთრებით განახლებადი ენერგიის მიმართულებით", - აღნიშნა იურგენ რიგტერნიკმა.

(NS)

ავტორი: ექსპრესნიუსი,

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო