პარლამენტის საგარეო ურთიერთობათა კომიტეტი და თავდაცვისა და უშიშროების კომიტეტი რუსეთის მიერ ე.წ. საზღვრის გადმოწევის საკითხთან დაკავშირებით რეზოლუციის პროექტს მოამზადებს. 

ამის შესახებ საპარლამენტო  უმრავლესობის წევრმა მანანა კობახიძემ ბიუროს სხდომაზე განაცხადა.
„პარლამენტი ამ მიმართულებით უახლოესი დღეების განმავლობაში იმუშავებს. კომიტეტები მოამზადებენ შესაბამისი განცხადება იქნება თუ რეზოლუციის პროექტს, მას შემდეგ რაც მოისმენენ უწყებების მხრიდან ანგარიშს არსებულ ვითარებასთან დაკავშირებით“, - აღნიშნა კობახიძემ. 
დეპუტატ გია ვოლსკის ინფორმაციით, არსებულ ფაქტთან დაკავშირებით გაიმართება გაფართოებული კომისიის სხდომა, სადაც წარმოდგენილი იქნებიან შესაბამისი უწყებები. 
ვოლსკის თქმით, მას ამ საკითხზე კონსულტაციები ჰქონდა  შსს-სთან, პრემიერის წარმომადგენლებთან, შერიგებისა და სამოქალაქო თანასწორობის საკითხებში სახელმწიფო მინისტრთან და სხვა შესაბამის უწყებებთან. 
ცნობისთვის, დე-ფაქტო სამხრეთ ოსეთის ე.წ. საზღვრის აღმნიშვნელი ბანერები 295- 300 მეტრით არის გადმოწეული. ე.წ. საზღვარი ძველი ბანერის ადგილიდან, რომელიც ორჭოსანის მიმართულებით იყო დამონტაჟებული, ახალი ავტობანის მიმართულებით არის გადმოწეული.  ახალი ბანერები წითელ უბანშიც დაამონტაჟეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალასი: საქართველო დემოკრატიის უკუსვლიდან შემობრუნების არანაირ ნიშანს არ აჩვენებს

ზელენსკის თქმით, დრუჟბას ნავთობსადენი ოპერაციების განახლებისთვის მზადაა

იოზვიაკი წერს, რა განიხილეს EU-ის მინისტრებმა დღევანდელ შეხვედრაზე საქართველოზე

ტრამპის თქმით, თუ ირანთან სამშვიდობო შეთანხმების მიღწევა არ მოხდება, მაშინ აშშ დაბომბვას განაახლებს