2019-09-09 15:33:18, 1920 ნახვა

---

​„ქვეყანა ჩიხში შედის, ამიტომ გამოვედი კომფორტის ზონიდან“ - ხაზარაძემ განმარტა, რატომ გადაწყვიტა პოლიტიკაში მოსვლა

"თიბისი ბანკის" დამფუძნებელმა მამუკა ხაზარაძემ ჟურნალისტებთან განმარტა, თუ რატომ გადაწყვიტა პოლიტიკაში მოსვლა. 

ხაზარაძის შეფასებით, ქვეყანა ჩიხშია. ის მიიჩნევს, რომ საქართველოში ბოლო დროს შექმნილი ვითარების გამო, ბიზნესის განვითარება საფრთხის წინაშე დგას. 

"კითხვა, თუ რატომ მოვდივარ პოლიტიკაში, ჩემი თავისთვისაც დამისვამს. მთავარი კითხვა არის რატომ? იმიტომ, რომ ბიზნესი აღარ განვითარდება ამ მდგომარეობაში. უბრალოდ ციფრებიც ამაზე მეტყველებს. 59% როდესაც აღარ შემოდის ქვეყანაში ინვესტიცია და როცა ქვეყნისთვის ასეთ მნიშვნელოვან პროექტს ასეთი წინააღმდეგობა აქვს [ანაკლიის პორტი], გამოვედი იმ კომფორტის ზონიდან, რომელშიც ვიყავი, იმ საქმიდან რომელიც მიყვარდა, ვაკეთებდი კომპანიებს, ვქმნიდი სამუშაო ადგილებს, უბრალოდ გამოვედი ამ მდგომარეობიდან, რადგან ქვეყანა ჩიხში შედის. ვინმეს არ ეგონოს, რომ ია-ვარდებით მოფენილ გზაზე გადმოვდგი ნაბიჯი. პირიქით გამოვედი იმ საქმიდან, რომელსაც 29 წელი მივუძღვენი, ჩემს მეგობრებთან ერთად. თუ ვინმეს ჰგონია, რომ აქ დგომა რამე იმუნიტეტს მომცემს, პირიქით. ჩვენ ვართ მართლები და თავის მართლებას არ ვაპირებთ", - განაცხადა მამუკა ხაზარაძემ. 

---

ავტორი: ლუკა ცარციძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი