ფრაქცია "ნაციონალური მოძრაობის" თავმჯდომარე რომან გოცირიძე პრეზიდენტ სალომე ზურაბიშვილის მიერ პოლიციელის მკვლელობაში მსჯავრდებულის შეწყალების საკითხს ეხმაურება.

გოცირიძის შეფასებით, ასეთი გადაწყვეტილებით პრეზიდენტი პოლიტიკურ დაკვეთას ასრულებს. მისივე განმარტებით, წინააღმდეგ შემთვევაში ზურაბიშვილის მიერ მსჯავრდებულის შეწყალება ლოგიკას მოკლებულია. 

"საიდან იცოდა საქართველოს პრეზიდენტმა ამ ადამიანის შესახებ?! ვირაცამ ხომ მიაწოდა ინფორმაცია?! ეს არის უაღრესად სკანდალური საქმე, თუმცა მიუხედავად ამისა, პრეზიდენტმა კრიმინალი, თანაც პოლიციელის მკვლელი გაათავისუფლა. როგორ შეიძლება არ ეკითხა რას აკეთებდა? ანუ რა არის მისი მოქმედების მოტივი - ან კორუფცია და ვირაცებმა შეაჩეჩეს შეწყალებისთვის ეს ადამიანი, ან ხელისუფლების მიერ ამ ადამიანის მფარველობა სხვადასხვა მიზნით. წინააღმდეგ შემთხვევაში ქალბატონ სალომე ზურაბიშვილის ეს გადაწყვეტილება ყველანაირ ლოგიკას არის მოკლებული. ამავდროულად არც კი იხილავს ავადმყოფო დეკანოზ მამალაძის საქმეს და პარალელურად გარეთ გაუშვა დამნაშავე", - განაცხადა რომან გოცირიძემ. 

ცნობისთვის, სალომე ზურაბიშვილმა შეიწყალა კაცი, რომელმაც ბათუმში 22 წლის პოლიციელი მოკლა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

შსს-ს გენერალური ინსპექციის უფროსმა, დავით არჩვაძემ თანამდებობა დატოვა

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია

„ყველა სექტორში შენელება“ - რუსეთის ეკონომიკამ კვარტალი პირველად ვარდნით დაასრულა

ტრამპმა პუტინს მოუწოდა, უკრაინაში ომი შეეწყვიტოს და თქვა, რომ ის ირანის საზღვაო ბლოკადას ბირთვული შეთანხმების გარეშე არ მოხსნის