2019-08-27 15:38:05, 2295 ნახვა

---

ავთანდილ წერეთელი: ფული ვასესხე ჩემს მეგობრებს, რა ტრანზაქცია გააკეთა ხაზარაძემ და ჯაფარიძემ, რა ჩემი საქმეა

 „აბსურდია, ვერ შემედავებიან. ტრანზქცია რა გააკეთა ხაზარაძემ და ჯაფარიძემ რა ჩემი საქმეა, მე  ვასესხე ჩემს მეგობრებს ფული“, - ამის შესახებ „ტვ პირველის“ დამფუძნებლის მამამ და ბიზნესმენმა ავთანდილ წერეთელმა თბილისის საქალაქო სასამართლოში ჟურნალისტებს განუცხადა.

სასამართლო წერეთლისთვის აღკვეთი ღონისძიების შეფარდებაზე მსჯელობს.

აღსანიშნავია, რომ გენერალური პროკურატურა წერეთლისთვის აღკვეთის ღონისძიების სახით 500 000 ლარის ოდენობის გირაოს შეფარდებას ითხოვს.

შეგახსენებთ, რომ  ავთანდილ წერეთელს ბრალი რამდენიმე დღის წინ წაუყენეს.  უწყება მას „თიბისის“დამფუძნებლებისათვის, მამუკა ხაზარაძისა და ბადრი ჯაფარიძისთვის უკანონო შემოსავლების ლეგალიზებაში დახმარებას ედავება, რასაც თან ახლდა განსაკუთრებით დიდი ოდენობით შემოსავლის მიღება.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი