„ომის დროს სარკოზიმ ამერიკელების დიპლომატიური პროცესისგან ჩამოშორება შეძლო და ორმაგი თამაში ითამაშა“, - ასე შეაფასა ექსპრეზიდენტმა მიხეილ სააკაშვილმა ევროკავშირის მაშინდელი თავმჯდომარე ქვეყნის პრეზიდენტის, ნიკოლა სარკოზის როლი 2008 წლის აგვისტოს ომის პროცესში.

სააკაშვილის შეფასებით, სარკოზის ძალისხმევის ერთადერთი დადებითი შედეგი რუსეთისთვის ჯარის გაყვანის დავალდებულება იყო, თუმცა მის ქმედებებს ცუდი შედეგებიც მოჰყვა.

„სარკოზი ჯამბაზივით იქცეოდა, ის ძალიან არაკომპეტენტური იყო. სარკოზის უკმაყოფილების გამო  ამერიკისა და  აღმოსავლეთ ევროპელების მიმართ,  იგი ამერიკელების როლის დაქვეითებას ცდილობდა. ამერიკელებს არ სურდათ, რომ ეს მისია მას შეესრულებინა. სარკოზიმ ამერიკელების დიპლომატიური პროცესისგან ჩამოშორება შეძლო და ორმაგი თამაში ითამაშა. მოდით ვთქვათ, რომ ამ მისიის კარგი, პოზიტიური მხარე რუსეთისთვის ჯარის გაყვანის ვალდებულება იყო, თუმცა მეორე მხრივ, იმდენი ცუდი შედეგი მოჰყვა: ამერიკელების ჩამოშორება, რუსეთისთვის უსაფრთხოების ზონების მიცემა, მათთვის გარკვეული ლეგიტიმური როლის მინიჭება და სარკოზის საქციელის ყველაზე ცუდი ნაწილი კი ის იყო, რომ მან ეს შეთანხმება რამდენიმე თვეში დაივიწყა. მან ის მისტრალებში გაცვალა“, - განაცხადა სააკაშვილმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია