„იდეა იმის შესახებ, რომ რუსეთს ჰქონდეს უფლება გადაწყვიტოს რას გააკეთებენ მისი მეზობლები, საშიშია და არღვევს იმ ფუნდამენტურ პრინციპებს, რისიც NATO -ს სწამს“, - ამის შესახებ ჩრდილო-ატლანტიკური ალიანსის გენერალურმა მდივანმა იენს სტოლტენბერგმა განაცხადა.

სტოლტენბერგი მიიჩნევს, რომ რუსეთს ევროპაში ისეთი სისტემის აღდგენა სურს, სადაც მას ექნება უფლება გადაწყვიტოს, რას მოიმოქმედებენ მისი მეზობელი ქვეყნები.

„ვფიქრობ, რუსეთისა და მისი პრეზიდენტის, ვლადიმერ პუტინის მიზანია, ისეთი სისტემის აღდგენა, სადაც ძლიერი გავლენის მქონე რუსეთი მიიღებს გადაწყვეტილებებს,  მინიმუმ, იმის თაობაზე, რას გააკეთებენ ან არ გააკეთებენ მისი მეზობლები. მსგავსი სისტემა ძალიან საშიშია, რადგან მცირე სახელმწიფოები ასეთ სისტემაში ნამდვილად არ არიან დამოუკიდებლები. ამ იდეამ  ევროპა არაერთ ომამდე მიიყვანა.  ასე რომ იდეა იმის შესახებ, რომ რუსეთს ჰქონდეს უფლება გადაწყვიტოს რას გააკეთებენ მისი მეზობლები, საშიშია და არღვევს იმ ფუნდამენტურ პრინციპებს, რისიც NATO -ს სწამს. ვფიქრობ, მას [რუსეთს] არ მოსწონს, რომ მეზობელი ქვეყნები იმას აკეთებენ, რაც სურთ, მით უმეტეს, რომ მათ NATO-ში გაერთიანება სურთ. სწორედ ეს არის მიზეზი, თუ რატომაა რუსეთი უკრაინისა და საქართველოს წინააღმდეგ აგრესიულ ქმედებებზე პასუხისმგებელი. ყველა ევროპულ ქვეყანას აქვს უფლება, თავად აირჩიოს მომავალი“, - განაცხადა NATO-ს გენერალურმა  მდივანმა იენს  სტოლტენბერგმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია