ყირგიზეთის ექსპრეზიდენტი ალმაზბეკ ატამბაევი დააკავეს, - ამის შესახებ ინფორმაციას „რია ნოვოსტი“ ატამბაევის მომხრეებზე დაყრდნობით ავრცელებს.

ექსპრეზიდენტის ადვოკატი სერგეი სლესარევი აცხადებს, რომ ზუსტად არ იცის, სად იმყოფება მისი დაცვის ქვეშ მყოფი.

„რია ნოვოსტის“ ცნობით, მანამდე სოფელ კოი-ტაშში, ატამბაევის რეზიდენციაში, სპეცდანიშნულების რაზმი შევიდა, სადაც ჩატარებული სპეცოპერაციის შედეგად 10-ზე მეტი ადამიანი დაშავდა.

ადგილზე მომუშავე ჟურნალისტები ავრცელებენ ინფორმაციას, რომ ატამბაევის სახლის მიდამოებში ისმის სროლისა და აფეთქებების ხმა, იწვის საბურავები და ხეები. გარდა ამისა, დაუდგენელ პირებს ახლო-მახლო მდებარე სათვალთვალო კამერები მწყობრიდან გამოჰყავთ.

ყირგიზეთის პარლამენტმა 20 ივნისს ქვეყნის პროკურატურას ექსპრეზიდენტის წინააღმდეგ ბრალდებების ნუსხა გადასცა, რომელთა შორის, ატამბაევს კორუფციაშიც სდებენ ბრალს. ატამბაევმა პარლამენტის ბრალდებებს აბსურდული უწოდა.

ალმაზბეკ ატამბაევი ყირგიზეთის პრეზიდენტის პოსტს 2011-2017 წლებში იკავებდა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს