"კურსის განსაზღვრაში, ძირითადად, მოქმედებს ორი ფაქტორი. პირველი - ეკონომიკაში მიმდინარე ფუნდამენტური ფაქტორები და მეორე - მოლოდინები. მოლოდინები შეიქმნა ძალიან ნეგატიური", - ასე უპასუხა პრემიერ-მინისტრმა მამუკა ბახტაძემ ჟურნალისტების კითხვას იმის თაობაზე, თუ რატომ არ დასტაბილურდა ლარის კურსი იმის მიუხედავად, რომ ტურისტების რაოდენობა გაიზარდა.

ბახტაძის შეფასებით, ეკონომიკაში მიმდინარე პროცესეები ჯანსაღია და ამას ეროვნული ბანკის მიერ გადადგმული ნაბიჯები კიდევ ერთხელ ადასტურებს.

„ადამიანები პოლიტიკური სპექტრიდან ცდილობენ, რომ საზოგადოება შეცდომასი შეიყვანონ. ჩვენ გვქონდა ივნისში ტურისტების 20%-იანი ზრდა, მათ შორის, აჭარაში, წინა წელთან შედარებით, 40%-იანი ზრდა დაფიქსირდა. კურსის განსაზღვრაში, ძირითადად, მოქმედებს ორი ფაქტორი. პირველი - ეკონომიკაში მიმდინარე ფუნდამენტური ფაქტორები და მეორე - მოლოდინები. მოლოდინები შეიქმნა ძალიან ნეგატიური, იმის ფონზე, თუ რაც მოხდა, მათ შორის, ამ უპასუხისმგებლო ადამიანების მიერ, რომლებიც მსგავს ტყუილებს ამბობენ. ამ ადამიანებში მე ვგულისხმობ დესტრუქციულ ოპოზიციურ ძალებს და მათ მიერ კონტროლირებად მედიას. მოლოდინი შეიქმნა ნეგატიური, მათ შორის ნეგატიური მოლოდინი იყო, რომ შეიძლება ეკონომიკური ვაჭრობაც შეზღუდულიყო, და ამას გამოეწვია უფრო მეტი პრობლემა ჩვენი მოქალაქეებისთვის ტურიზმის მიერ გამოქვეყნებულმა შედეგებმა რა გვაჩვენა რომ, ფაქტობრივად, ჩვენი ტურისტების რაოდენობა წელს არის იგივე, რამდენიც იყო შარშან. ის მოლოდინი, რომელიც ჰქონდა ეკონომიკას, მათ შორის ჩვენს ბიზნესს, რომ ისეთი სწრაფი ტემპებით გავზრდიდით ჩვენ ტურისტების რაოდენობას, როგორც იყო დაგეგმილი და მინდა მოგახსენოთ, რომ მარტო აჭარაში, წელს, ივნისში, დაფიქსირდა 40%-ით მეტი ტურისტი, და, ამის ფონზე, ჩვენ მივიღეთ ის, რომ არა თუ 40%იანი ზრდა გვაქვს, არამედ, სამწუხაროდ, ჩვენ გავედით იმ შედეგზე, რომელიც გვქონდა შარშან. ანალიზი აჩვენებს, რომ გასული კვირის შედეგად ეროვნული ბანკის მიერ გადადგმულმა ნაბიჯებმა კიდევ ერთხელ დაადასტურა, რომ ეკონომიკაში მიმდინარე პროცესები ჯანსაღია. ასეთ პირობებში, ეროვნულ ბანკს აქვს ყველა საშუალება და მექანიზმი, რომ გადადგას პრინციპული ნაბიჯები. რა თქმა უნდა, ის დამოუკიდებელი სტრუქტურაა და მან თვითონ უნდა მიიღოს გადაწყვეტილება“, - განაცხადა მამუკა ბახტაძემ.

ავტორი: ექსპრესნიუსი,

სოციალური ქსელები

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე

"გოგოების გზა ტექნოლოგიებში" - "თეგეტა ჰოლდინგი" გაეროს ქალთა ორგანიზაციის საერთაშორისო კონფერენციას შეუერთდა

საქართველოს ბანკი მსოფლიოში საუკეთესო ფინანსური ინოვაციების ლაბია - Global Finance

საქართველოს ბანკი, Superteam Georgia-თან პარტნიორობით, Solana-ს ყველაზე დიდი ჰაკათონის მხარდამჭერია