„ანაკლიის პორტთან დაკავშირებით არანაირი სამართლებრივი თემა და საკითხი არ ჩნდება“, - ამის შესახებ პარლამენტის იურიდიულ საკითხთა კომიტეტის თავმჯდომარე ანრი ოხანაშვილმა განაცხადა.

 ოხანაშვილი „თიბისი ბანკის“ დამფუძნებლების მამუკა ხაზარაძისა და ბადრი ჯაფრიძესთან დაკავშირებულ თემას გამოეხმაურა.

„მამუკა ხაზარაძესა და ბადრი ჯაფარიძესთან დაკავშირებული საქმე ჩვენ უნდა გავმიჯნოთ ანაკლიის პორტისგან და ფაქტი არის რომ ანაკლიის პორტთან დაკავშირებით არანაირი სამართლებრივი თემა და საკითხი არ ჩნდება. ეს არის ცალკე პროექტი, სადაც სახელმწიფოს ინტერესია, რომ ჩვენ სტრატეგიულ პარტიონიორთან თანამშრომლობით და ზოგადად, ეს პროექტი განხორციელდეს და შედგეს, ვინაიდან ეს არის  სტრატეგიული პროექტი ჩვენი ქვეყნისთვის“, - აღნიშნა ანრი ოხანაშვილმა.

შეგახსენებთ, რომ პროკურატურა ხაზარაძესა და ჯაფარიძეს ჯგუფურად, 16 754 000 ამერიკული დოლარის უკანონო შემოსავლის ლეგალიზაციას ედავება, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით).

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია