„თუ რაიმე სიბინძურეა ამ ქვეყანაზე, ესაა ოქრუაშვილის მიერ ჩემთან შეხვედრის და ჩემი სახელის „ბინძური თეთრეულის“ კონტექსტში მოხსენიება“, -ამის შესახებ „შენების მოძრაობის“ ლიდერმა, დავით უსუფაშვილმა პრესკონფერენციაზე განაცხადა.

უსუფაშვილმა 2014 წელს ოქრუაშვილთან შეხვედრის დეტალები გაიხსენა და აღნიშნა, რომ ოქრუაშვილმა მას თავად სთხოვა ბიძინა ივანიშვილისთვის გადაეცა, რომ მზად იყო პოლიტიკურ თანამშრომლობისა და სისხლის სამართლის საქმეებზე მნიშვნელოვანი ჩვენებების მიცემის შესახებ.

„გუშინ დილით დამირეკა ირაკლი ოქრუაშვილმა და მითხრა, ხომ არ ვიყავი წინააღმდეგი, რომ გაესაჯაროვებინა ჩვენი შეხვედრის ფაქტი 2014 წელს, იუსტიციის სახლში, ჩემს სამუშაო ოთახში. მე ვუთხარი, რომ მე კონფიდენციალურად და დამალულად არ შევხვედრილვარ მას მაშინ და არანაირი პრობლემა არ მქონდა თვითონ ან ვინმე სხვა თუ ამ თემაზე ისაუბრებდა და მე ცხადია, დავადასტურებდი ამ შეხვედრის ფაქტს. შემდგომ იყო მისი პრესკონფერენცია, რომელზეც მოვისმინეთ არამხოლოდ ამ ფაქტის შესახებ, არამედ მისი თავისუფალი ინტერპრეტაციებიც.  ეს არ ყოფილა ირაკლის მხრიდან პირველი შემთხვევა. მან „ბინძური თეთრეულის“ კონტექსტში მოიხსენია ჩემთან შეხვედრა, ჩემი სმს და ჩემი სახელი და აგერ ვაცხადებ, თუ რაიმე სიბინძურეა ამ ქვეყანაზე, სწორედ ესაა „ბინძური თეთრეულის“ კონტექსტში იმ შეხვედრის მოხსენიება, რომელზეც მოგახსენეთ,  ჩემი სახელის მოხსენიება და იმ სმს-ის მოხსენიება“, - აღნიშნა დავით უსუფაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია