საქართველოსა და რუსეთის ნაკრებებს შორის დაგეგილი ამხანაგური მატჩი რაგბში აღარ ჩატარდება, - ამის შესახებ Tass რუსეთის საგბის ფედერაციაზე დაყრდნობით იუწყება. 

მედია საშუალების ინფორმაციით, მატჩი თბილისში 27 აგვისტოს უნდა ჩატარებულიყო, თუმცა როგორც ფედერციაში აცხადებენ, მისი გადადება საქართველოში მიმდინარე პროცესებს და დაძაბულ ვითარებას უკავშირდება. 

"რუსეთის რაგბის ფედერაცია ღრმა შეშფოთებით ადევნებდა თვალს საქართველოში და კერძოდ, თბილისში მიმდინარე მოვლენებს. სამწუხაროდ, საქართველოს ტერიტორიაზე რადიკალურად განწყობილ პირთა გამოსვლები საზოგადოებრივი წესრიგის დარღვევის შემთხვევებს იწვევს და შესაძლოა საფრთხე შეუქმნან იმ პირთა სიცოცხლესა და ჯანმრთელობას, რომლებიც ამ ქვეყანაში იმყოფებიან. ამასთან დაკავშირებული გარემოების გამო, იძულებულები ვართ გაცნობოთ, რომ რუსეთის რაგბის ფედერაცია შეუძლებლად მიჩნევს საქართველოსა და რუსეთის ნაკრებებს შორის ჩატარდეს მატჩი, რომელიც 2019 წლის 27 აგვისტოს თბილისში იყო დაგეგმილი“, - ნათქვამია განცხადებაში.

გარდა ამისა, რუსეთის რაგბის ფედერაციის განცხადებით, მატჩის გაუქმება ორი ქვეყნის რაგბის ეროვნული ფედერაციების ურთიერთობებზე არ აისახება.

"რუსეთის რაგბის ფედერაცია ღრმად აფასებს პარტნიორულ ურთიერთობებს, რომელიც ჩამოყალიბდა საქართველოს რაგბის კავშირთან. ორივე გუნდის გულშემატკივრებს გულწრფელად ვუხდით ბოდიშს", - აღნიშნულია განცხადებაში. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე